Sri Lalita Lakaradi Shatanama Stotram pdf download – శ్రీ లలితా లకారాది శతనామ స్తోత్రం

పూర్వపీఠికా –
కైలాసశిఖరాసీనం దేవదేవం జగద్గురుం |
పప్రచ్ఛేశం పరానందం భైరవీ పరమేశ్వరం || 1 ||
శ్రీభైరవ్యువాచ |
కౌలేశ శ్రోతుమిచ్ఛామి సర్వమంత్రోత్తమోత్తమం |
లలితాయా శతనామ సర్వకామఫలప్రదం || 2 ||
శ్రీభైరవోవాచ |
శృణు దేవి మహాభాగే స్తోత్రమేతదనుత్తమం |
పఠనాద్ధారణాదస్య సర్వసిద్ధీశ్వరో భవేత్ || 3 ||
షట్కర్మాణి చ సిద్ధ్యంతి స్తవస్యాస్య ప్రసాదతః |
గోపనీయం పశోరగ్రే స్వయోనిమపరే యథా || 4 ||
లలితాయా లకారాది నామశతకస్య దేవి |
రాజరాజేశ్వరో ఋషిః ప్రోక్తో ఛందోఽనుష్టుప్ తథా || 5 ||
దేవతా లలితాదేవీ షట్కర్మసిద్ధ్యర్థే తథా |
ధర్మార్థకామమోక్షేషు వినియోగః ప్రకీర్తితః || 6 ||
వాక్-కామ-శక్తిబీజేన కరషడంగమాచరేత్ |
ప్రయోగే బాలాత్ర్యక్షరీ యోజయిత్వా జపం చరేత్ || 7 ||
అస్య శ్రీ లలితా లకారాది శతనామమాలామంత్రస్య శ్రీరాజరాజేశ్వరో ఋషిః అనుష్టుప్ ఛందః శ్రీలలితాదేవీ దేవతా షట్కర్మసిద్ధ్యర్థే ధర్మార్థకామమోక్షార్థే పాఠే వినియోగః |
కరన్యాసః –
ఓం ఐం అంగుష్ఠాభ్యాం నమః |
ఓం క్లీం తర్జనీభ్యాం నమః |
ఓం సౌః మధ్యమాభ్యాం నమః |
ఓం ఐం అనామికాభ్యాం నమః |
ఓం క్లీం కనిష్ఠికాభ్యాం నమః |
ఓం సౌః కరతలకరపృష్ఠాభ్యాం నమః |
అంగన్యాసః –
ఓం ఐం హృదయాయ నమః |
ఓం క్లీం శిరసే స్వాహా |
ఓం సౌః శిఖాయై వషట్ |
ఓం ఐం కవచాయ హుం |
ఓం క్లీం నేత్రత్రయాయ వౌషట్ |
ఓం సౌః అస్త్రాయ ఫట్ |
అథ ధ్యానం –
బాలార్కమండలాభాసాం చతుర్బాహుం త్రిలోచనాం |
పాశాంకుశధనుర్బాణాన్ ధారయంతీం శివాం భజే ||
అథ స్తోత్రం –
లలితా లక్ష్మీ లోలాక్షీ లక్ష్మణా లక్ష్మణార్చితా |
లక్ష్మణప్రాణరక్షిణీ లాకినీ లక్ష్మణప్రియా || 1 ||
లోలా లకారా లోమేశా లోలజిహ్వా లజ్జావతీ |
లక్ష్యా లాక్ష్యా లక్షరతా లకారాక్షరభూషితా || 2 ||
లోలలయాత్మికా లీలా లీలావతీ చ లాంగలీ |
లావణ్యామృతసారా చ లావణ్యామృతదీర్ఘికా || 3 ||
లజ్జా లజ్జామతీ లజ్జా లలనా లలనప్రియా |
లవణా లవలీ లసా లాక్షకీ లుబ్ధా లాలసా || 4 ||
లోకమాతా లోకపూజ్యా లోకజననీ లోలుపా |
లోహితా లోహితాక్షీ చ లింగాఖ్యా చైవ లింగేశీ || 5 ||
లింగగీతి లింగభవా లింగమాలా లింగప్రియా |
లింగాభిధాయినీ లింగా లింగనామసదానందా || 6 ||
లింగామృతప్రీతా లింగార్చనప్రీతా లింగపూజ్యా |
లింగరూపా లింగస్థా చ లింగాలింగనతత్పరా || 7 ||
లతాపూజనరతా చ లతాసాధకతుష్టిదా |
లతాపూజకరక్షిణీ లతాసాధనసిద్ధిదా || 8 ||
లతాగృహనివాసినీ లతాపూజ్యా లతారాధ్యా |
లతాపుష్పా లతారతా లతాధారా లతామయీ || 9 ||
లతాస్పర్శనసంతుష్టా లతాఽఽలింగనహర్షితా |
లతావిద్యా లతాసారా లతాఽఽచారా లతానిధీ || 10 ||
లవంగపుష్పసంతుష్టా లవంగలతామధ్యస్థా |
లవంగలతికారూపా లవంగహోమసంతుష్టా || 11 ||
లకారాక్షారపూజితా చ లకారవర్ణోద్భవా |
లకారవర్ణభూషితా లకారవర్ణరుచిరా || 12 ||
లకారబీజోద్భవా తథా లకారాక్షరస్థితా |
లకారబీజనిలయా లకారబీజసర్వస్వా || 13 ||
లకారవర్ణసర్వాంగీ లక్ష్యఛేదనతత్పరా |
లక్ష్యధరా లక్ష్యఘూర్ణా లక్షజాపేనసిద్ధిదా || 14 ||
లక్షకోటిరూపధరా లక్షలీలాకలాలయా |
లోకపాలేనార్చితా చ లాక్షారాగవిలేపనా || 15 ||
లోకాతీతా లోపాముద్రా లజ్జాబీజస్వరూపిణీ |
లజ్జాహీనా లజ్జామయీ లోకయాత్రావిధాయినీ || 16 ||
లాస్యప్రియా లయకరీ లోకలయా లంబోదరీ |
లఘిమాదిసిద్ధిదాత్రీ లావణ్యనిధిదాయినీ |
లకారవర్ణగ్రథితా లంబీజా లలితాంబికా || 17 ||
ఫలశ్రుతిః –
ఇతి తే కథితం దేవి గుహ్యాద్గుహ్యతరం పరం |
ప్రాతఃకాలే చ మధ్యాహ్నే సాయాహ్నే చ సదా నిశి |
యః పఠేత్ సాధకశ్రేష్ఠో త్రైలోక్యవిజయీ భవేత్ || 1 ||
సర్వపాపవినిర్మముక్తః స యాతి లలితాపదం |
శూన్యాగారే శివారణ్యే శివదేవాలయే తథా || 2 ||
శూన్యదేశే తడాగే చ నదీతీరే చతుష్పథే |
ఏకలింగే ఋతుస్నాతాగేహే వేశ్యాగృహే తథా || 3 ||
పఠేదష్టోత్తరశతనామాని సర్వసిద్ధయే |
సాధకో వాంఛాం యత్కుర్యాత్ తత్తథైవ భవిష్యతి || 4 ||
బ్రహ్మాండగోలకే యాశ్చ యాః కాశ్చిజ్జగతీతలే |
సమస్తాః సిద్ధయో దేవి కరామలకవత్సదా || 5 ||
సాధకస్మృతిమాత్రేణ యావంత్యః సంతి సిద్ధయః |
స్వయమాయాంతి పురతో జపాదీనాం తు కా కథా || 6 ||
అయుతావర్తనాద్దేవి పురశ్చర్యాఽస్య గీయతే |
పురశ్చర్యాయుతః స్తోత్రః సర్వకర్మఫలప్రదః || 7 ||
సహస్రం చ పఠేద్యస్తు మాసార్ధం సాధకోత్తమః |
దాసీభూతం జగత్సర్వం మాసార్ధాద్భవతి ధ్రువం || 8 ||
నిత్యం ప్రతినాంనా హుత్వా పలాశకుసుమైర్నరః |
భూలోకస్థాః సర్వకన్యాః సర్వలోకస్థితాస్తథా || 9 ||
పాతాలస్థాః సర్వకన్యాః నాగకన్యాః యక్షకన్యాః |
వశీకుర్యాన్మండలార్ధాత్సంశయో నాత్ర విద్యతే || 10 ||
అశ్వత్థమూలే పఠేత్ శతవారం ధ్యానపూర్వకం |
తత్ క్షణాద్వ్యాధినాశశ్చ భవేద్దేవి న సంశయః || 11 ||
శూన్యాగారే పఠేత్ స్తోత్రం సహస్రం ధ్యానపూర్వకం |
లక్ష్మీ ప్రసీదతి ధ్రువం స త్రైలోక్యం వశిష్యతి || 12 ||
ప్రేతవస్త్రం భౌమే గ్రాహ్యం రిపునామ చ వేష్టితం |
ప్రాణప్రతిష్ఠాం కృత్వా తు పూజాం చైవ హి కారయేత్ || 13 ||
శ్మశానే నిఖనేద్రాత్రౌ ద్విసహస్రం పఠేత్తతః |
జిహ్వాస్తంభనమాప్నోతి సద్యో మూకత్వమాప్నుయాత్ || 14 ||
శ్మశానే చ పఠేత్ స్తోత్రం అయుతార్ధం సుబుద్ధిమాన్ |
శత్రుక్షయో భవేత్ సద్యో నాన్యథా మమ భాషితం || 15 ||
ప్రేతవస్త్రం శనౌ గ్రాహ్యం ప్రతినాంనా సంపుటితం |
శత్రునామ లిఖిత్వా చ ప్రాణప్రతిష్ఠాం కారయేత్ || 16 ||
తతః లలితాం సంపూజ్య కృష్ణధత్తూరపుష్పకైః |
శ్మశానే నిఖనేద్రాత్రౌ శతవారం పఠేత్ స్తోత్రం || 17 ||
తతో మృత్యుమవాప్నోతి దేవరాజసమోఽపి సః |
శ్మశానాంగారమాదాయ మంగళే శనివారే వా || 18 ||
ప్రేతవస్త్రేణ సంవేష్ట్య బధ్నీయాత్ ప్రేతరజ్జునా |
దశాభిమంత్రితం కృత్వా ఖనేద్వైరివేశ్మని || 19 ||
సప్తరాత్రాంతరే తస్యోచ్చాటనం భ్రామణం భవేత్ |
కుమారీం పూజయిత్వా తు యః పఠేద్భక్తితత్పరః || 20 ||
న కించిద్దుర్లభం తస్య దివి వా భువి మోదతే |
దుర్భిక్షే రాజపీడాయాం సంగ్రామే వైరిమధ్యకే || 21 ||
యత్ర యత్ర భయం ప్రాప్తః సర్వత్ర ప్రపఠేన్నరః |
తత్ర తత్రాభయం తస్య భవత్యేవ న సంశయః || 22 ||
వామపార్శ్వే సమానీయ శోధితాం వరకామినీం |
జపం కృత్వా పఠేద్యస్తు తస్య సిద్ధిః కరే స్థితా || 23 ||
దరిద్రస్తు చతుర్దశ్యాం కామినీసంగమైః సహ |
అష్టవారం పఠేద్యస్తు కుబేరసదృశో భవేత్ || 24 ||
శ్రీలలితాం మహాదేవీ నిత్యం సంపూజ్య మానవః |
ప్రతినాంనా జుహుయాత్స ధనరాశిమవాప్నుయాత్ || 25 ||
నవనీతం చాభిమంత్ర్య స్త్రీభ్యో దద్యాన్మహేశ్వరి |
వంధ్యాం పుత్రప్రదం దేవి నాత్ర కార్యా విచారణా || 26 ||
కంఠే వా వామబాహౌ వా యోనౌ వా ధారణాచ్ఛివే |
బహుపుత్రవతీ నారీ సుభగా జాయతే ధ్రువం || 27 ||
ఉగ్ర ఉగ్రం మహదుగ్రం స్తవమిదం లలితాయాః |
సువినీతాయ శాంతాయ దాంతాయాతిగుణాయ చ || 28 ||
భక్తాయ జ్యేష్ఠపుత్రాయ గురుభక్తిపరాయ చ |
భక్తభక్తాయ యోగ్యాయ భక్తిశక్తిపరాయ చ || 29 ||
వేశ్యాపూజనయుక్తాయ కుమారీపూజకాయ చ |
దుర్గాభక్తాయ శైవాయ కామేశ్వరప్రజాపినే || 30 ||
అద్వైతభావయుక్తాయ శక్తిభక్తిపరాయ చ |
ప్రదేయం శతనామాఖ్యం స్వయం లలితాజ్ఞయా || 31 ||
ఖలాయ పరతంత్రాయ పరనిందాపరాయ చ |
భ్రష్టాయ దుష్టతత్త్వాయ పరీవాదపరాయ చ || 32 ||
శివాభక్తాయ దుష్టాయ పరదారరతాయ చ |
వేశ్యాస్త్రీనిందకాయ చ పంచమకారనిందకే || 33 ||
న స్తోత్రం దర్శయేద్దేవీ మమ హత్యాకరో భవేత్ |
తస్మాన్న దాపయేద్దేవీ మనసా కర్మణా గిరా || 34 ||
అన్యథా కురుతే యస్తు స క్షీణాయుర్భవేద్ధ్రువం |
పుత్రహారీ చ స్త్రీహారీ రాజ్యహారీ భవేద్ధ్రువం || 35 ||
మంత్రక్షోభశ్చ జాయతే తస్య మృత్యుర్భవిష్యతి |
క్రమదీక్షాయుతానాం చ సిద్ధిర్భవతి నాన్యథా || 36 ||
క్రమదీక్షాయుతో దేవీ క్రమాద్రాజ్యమవాప్నుయాత్ |
క్రమదీక్షాసమాయుక్తః కల్పోక్తసిద్ధిభాగ్భవేత్ || 37 ||
విధేర్లిపిం తు సంమార్జ్య కింకరత్వం విసృజ్య చ |
సర్వసిద్ధిమవాప్నోతి నాత్ర కార్యా విచారణా || 38 ||
క్రమదీక్షాయుతో దేవీ మమ సమో న సంశయః |
గోపనీయం గోపనీయం గోపనీయం సదాఽనఘే || 39 ||
స దీక్షితః సుఖీ సాధుః సత్యవాదీ జితేంద్రయః |
స వేదవక్తా స్వాధ్యాయీ సర్వానందపరాయణః || 40 ||
స్వస్మిన్ లలితాం సంభావ్య పూజయేజ్జగదంబికాం |
త్రైలోక్యవిజయీ భూయాన్నాత్ర కార్యా విచారణా || 41 ||
గురురూపం శివం ధ్యాత్వా శివరూపం గురుం స్మరేత్ |
సదాశివః స ఏవ స్యాన్నాత్ర కార్యా విచారణా || 42 ||
ఇతి శ్రీకౌలికార్ణవే శ్రీభైరవీసంవాదే షట్కర్మసిద్ధదాయక శ్రీమల్లలితాయా లకారాదిశతనామస్తోత్రం |