నారద ఉవాచ |
భగవన్ దేవదేవేశ భూతభవ్యజగత్ప్రభో |
కవచం చ శ్రుతం దివ్యం గాయత్రీమంత్రవిగ్రహం || 1 ||
అధునా శ్రోతుమిచ్ఛామి గాయత్రీహృదయం పరం |
యద్ధారణాద్భవేత్పుణ్యం గాయత్రీజపతోఽఖిలం || 2 ||
శ్రీనారాయణ ఉవాచ |
దేవ్యాశ్చ హృదయం ప్రోక్తం నారదాథర్వణే స్ఫుటం |
తదేవాహం ప్రవక్ష్యామి రహస్యాతిరహస్యకం || 3 ||
విరాడ్రూపాం మహాదేవీం గాయత్రీం వేదమాతరం |
ధ్యాత్వా తస్యాస్త్వథాంగేషు ధ్యాయేదేతాశ్చ దేవతాః || 4 ||
పిండబ్రహ్మండయోరైక్యాద్భావయేత్స్వతనౌ తథా |
దేవీరూపే నిజే దేహే తన్మయత్వాయ సాధకః || 5 ||
నాదేవోఽభ్యర్చయేద్దేవమితి వేదవిదో విదుః |
తతోఽభేదాయ కాయే స్వే భావయేద్దేవతా ఇమాః || 6 ||
అథ తత్సంప్రవక్ష్యామి తన్మయత్వమథో భవేత్ |
గాయత్రీహృదయస్యాఽస్యాఽప్యహమేవ ఋషిః స్మృతః || 7 ||
గాయత్రీఛంద ఉద్దిష్టం దేవతా పరమేశ్వరీ |
పూర్వోక్తేన ప్రకారేణ కుర్యాదంగాని షట్క్రమాత్ |
ఆసనే విజనే దేశే ధ్యాయేదేకాగ్రమానసః || 8 ||
అథార్థన్యాసః | ద్యౌమూర్ధ్ని దైవతం | దంతపంక్తావశ్వినౌ | ఉభే సంధ్యే చౌష్ఠౌ | ముఖమగ్నిః | జిహ్వా సరస్వతీ | గ్రీవాయాం తు బృహస్పతిః | స్తనయోర్వసవోఽష్టౌ | బాహ్వోర్మరుతః | హృదయే పర్జన్యః | ఆకాశముదరం | నాభావంతరిక్షం | కట్యోరింద్రాగ్నీ | జఘనే విజ్ఞానఘనః ప్రజాపతిః | కైలాసమలయే ఊరూ | విశ్వేదేవా జాన్వోః | జంఘాయాం కౌశికః | గుహ్యమయనే | ఊరూ పితరః | పాదౌ పృథివీ | వనస్పతయోఽంగులీషు | ఋషయో రోమాణి | నఖాని ముహూర్తాని | అస్థిషు గ్రహాః | అసృఙ్మాంసమృతవః || సంవత్సరా వై నిమిషం | అహోరాత్రావాదిత్యశ్చంద్రమాః | ప్రవరాం దివ్యాం గాయత్రీం సహస్రనేత్రాం శరణమహం ప్రపద్యే ||
ఓం తత్సవితుర్వరేణ్యాయ నమః | ఓం తత్పూర్వాజయాయ నమః | తత్ప్రాతరాదిత్యాయ నమః | తత్ప్రాతరాదిత్యప్రతిష్ఠాయై నమః ||
ప్రాతరధీయానో రాత్రికృతం పాపం నాశయతి | సాయమధీయానో దివసకృతం పాపం నాశయతి | సాయం ప్రాతరధీయానో అపాపో భవతి | సర్వతీర్థేషు స్నాతో భవతి | సర్వైర్దేవైర్జ్ఞాతో భవతి | అవాచ్యవచనాత్పూతో భవతి | అభక్ష్యభక్షణాత్పూతో భవతి | అభోజ్యభోజనాత్పూతో భవతి | అచోష్యచోషణాత్పూతో భవతి | అసాధ్యసాధనాత్పూతో భవతి | దుష్ప్రతిగ్రహశతసహస్రాత్పూతో భవతి | సర్వప్రతిగ్రహాత్పూతో భవతి | పంక్తిదూషణాత్పూతో భవతి | అనృతవచనాత్పూతో భవతి | అథాఽబ్రహ్మచారీ బ్రహ్మచారీ భవతీ | అనేన హృదయేనాధీతేన క్రతుసహస్రేణేష్టం భవతి | షష్టిశతసహస్రగాయత్ర్యా జప్యాని ఫలాని భవంతి | అష్టౌ బ్రాహ్మణాన్ సంయగ్గ్రాహయేత్ | తస్య సిద్ధిర్భవతి | య ఇదం నిత్యమధీయానో బ్రాహ్మణః ప్రాతః శుచిః సర్వపాపైః ప్రముచ్యత ఇతి | బ్రహ్మలోకే మహీయతే ||
ఇతి శ్రీదేవీభాగవతే మహాపురాణే ద్వాదశస్కంధే శ్రీ గాయత్రీ హృదయం నామ చతుర్థోఽధ్యాయః ||
Sri Gayatri Hrudayam (Devi Bhagavate) pdf download – శ్రీ గాయత్రీ హృదయం (దేవీభాగవతే)
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
