Sri Gayatri Ashtakam 2 pdf download – శ్రీ గాయత్రీ అష్టకం –2

సుకల్యాణీం వాణీం సురమునివరైః పూజితపదాం
శివామాద్యాం వంద్యాం త్రిభువనమయీం వేదజననీం |
పరాం శక్తిం స్రష్టుం వివిధవిధరూపాం గుణమయీం
భజేఽంబాం గాయత్రీం పరమసుభగానందజననీం || 1 ||
విశుద్ధాం సత్త్వస్థామఖిలదురవస్థాదిహరణీం
నిరాకారాం సారాం సువిమల తపోమూర్తిమతులాం |
జగజ్జ్యేష్ఠాం శ్రేష్ఠామసురసురపూజ్యాం శ్రుతినుతాం
భజేఽంబాం గాయత్రీం పరమసుభగానందజననీం || 2 ||
తపోనిష్ఠాభీష్టాం స్వజనమనసంతాపశమనీం
దయామూర్తిం స్ఫూర్తిం యతితతి ప్రసాదైకసులభాం |
వరేణ్యాం పుణ్యాం తాం నిఖిలభవబంధాపహరణీం
భజేఽంబాం గాయత్రీం పరమసుభగానందజననీం || 3 ||
సదారాధ్యాం సాధ్యాం సుమతిమతివిస్తారకరణీం
విశోకామాలోకాం హృదయగతమోహాంధహరణీం |
పరాం దివ్యాం భవ్యామగమభవసింధ్వేక తరణీం
భజేఽంబాం గాయత్రీం పరమసుభగానందజననీం || 4 ||
అజాం ద్వైతాం త్రైతాం వివిధగుణరూపాం సువిమలాం
తమోహంత్రీం తంత్రీం శ్రుతిమధురనాదాం రసమయీం |
మహామాన్యాం ధన్యాం సతతకరుణాశీల విభవాం
భజేఽంబాం గాయత్రీం పరమసుభగానందజననీం || 5 ||
జగద్ధాత్రీం పాత్రీం సకలభవసంహారకరణీం
సువీరాం ధీరాం తాం సువిమల తపోరాశిసరణీం |
అనేకామేకాం వై త్రిజగత్సదధిష్ఠానపదవీం
భజేఽంబాం గాయత్రీం పరమసుభగానందజననీం || 6 ||
ప్రబుద్ధాం బుద్ధాం తాం స్వజనతతిజాడ్యాపహరణీం
హిరణ్యాం గుణ్యాం తాం సుకవిజన గీతాం సునిపుణీం |
సువిద్యాం నిరవద్యామమలగుణగాథాం భగవతీం
భజేఽంబాం గాయత్రీం పరమసుభగానందజననీం || 7 ||
అనంతాం శాంతాం యాం భజతి బుధవృందః శ్రుతిమయీం
సుగేయాం ధ్యేయాం యాం స్మరతి హృది నిత్యం సురపతిః |
సదా భక్త్యా శక్త్యా ప్రణతమతిభిః ప్రీతివశగాం
భజేఽంబాం గాయత్రీం పరమసుభగానందజననీం || 8 ||
శుద్ధచిత్తః పఠేద్యస్తు గాయత్ర్యా అష్టకం శుభం |
అహో భాగ్యో భవేల్లోకే తస్మిన్ మాతా ప్రసీదతి || 9 ||