Sri Gayatri Aksharavalli Stotram pdf download – శ్రీ గాయత్ర్యక్షరవల్లీ స్తోత్రం

తత్కారం చంపకం పీతం బ్రహ్మవిష్ణుశివాత్మకం |
శాంతం పద్మాసనారూఢం ధ్యాయేత్ స్వస్థాన సంస్థితం || 1 ||
సకారం చింతయేచ్ఛాంతం అతసీపుష్పసన్నిభం |
పద్మమధ్యస్థితం కాంయముపపాతకనాశనం || 2 ||
వికారం కపిలం చింత్యం కమలాసనసంస్థితం |
ధ్యాయేచ్ఛాంతం ద్విజశ్రేష్ఠో మహాపాతకనాశనం || 3 ||
తుకారం చింతయేత్ప్రాజ్ఞ ఇంద్రనీలసమప్రభం |
నిర్దహేత్సర్వదుఃఖస్తు గ్రహరోగసముద్భవం || 4 ||
వకారం వహ్నిదీప్తాభం చింతయిత్వా విచక్షణః |
భ్రూణహత్యాకృతం పాపం తక్షణాదేవ నాశయేత్ || 5 ||
రేకారం విమలం ధ్యాయేచ్ఛుద్ధస్ఫటికసన్నిభం |
పాపం నశ్యతి తత్ క్షిప్రమగంయాగమనోద్భవం || 6 ||
ణికారం చింతయేద్యోగీ విద్యుద్వల్లీసమప్రభం |
అభక్ష్యభక్షజం పాపం తత్క్షణాదేవ నశ్యతి || 7 ||
యంకారం తారకావర్ణమిందుశేఖరభూషితం |
యోగినాం వరదం ధ్యాయేద్బ్రహ్మహత్యాఘనాశనం || 8 ||
భకారం కృష్ణవర్ణం తు నీలమేఘసమప్రభం |
ధ్యాత్వా పురుషహత్యాది పాపం నాశయతి ద్విజః || 9 ||
ర్గోకారం రక్తవర్ణం తు కమలాసన సంస్థితం |
తం గోహత్యాకృతం పాపం నాశయేచ్చ విచింతయన్ || 10 ||
దేకారం మకరశ్యామం కమలాసనసంస్థితం |
చింతయేత్సతతం యోగీ స్త్రీహత్యాదహనం పరం || 11 ||
వకారం శుక్లవర్ణం తు జాజీపుష్పసమప్రభం |
గురుహత్యా కృతం పాపం ధ్యాత్వా దహతి తత్క్షణాత్ || 12 ||
స్యకారం చ తదా పీతం సువర్ణ సదృశప్రభం |
మనసా చింతితం పాపం ధ్యాత్వా దహతి నిశ్చయం || 13 ||
ధీకారం చింతయేచ్ఛుభ్రం కుందపుష్పసమప్రభం |
పితృమాతృవధాత్పాపాన్ముచ్యతే నాత్ర సంశయః || 14 ||
మకారం పద్మరాగాభాం చింతయేద్దీప్తతేజసం |
పూర్వజన్మార్జితం పాపం తత్క్షణాదేవ నశ్యతి || 15 ||
హికారం శంఖవర్ణం చ పూర్ణచంద్రసమప్రభం |
అశేషపాపదహనం ధ్యాయేన్నిత్యం విచక్షణః || 16 ||
ధికారం పాండురం ధ్యాయేత్పద్మస్యోపరిసంస్థితం |
ప్రతిగ్రహకృతం పాపం తత్క్షణాదేవ నశ్యతి || 17 ||
యోకారం రక్తవర్ణం తు ఇంద్రగోపసమప్రభం |
ధ్యాత్వా ప్రాణివధం పాపం దహత్యగ్నిరివేంధనం || 18 ||
ద్వితీయచ్చైవ యః ప్రాక్తో యోకారో రక్తసన్నిభః |
నిర్దహేత్సర్వపాపాని నాన్యైః పాపైశ్చ లిప్యతే || 19 ||
నకారం తు ముఖం పూర్వమాదిత్యోదయసన్నిభం |
సకృద్ధ్యాత్వా ద్విజశ్రేష్ఠ సగచ్ఛేదైశ్వరం పరం || 20 ||
నీలోత్పలదళశ్యామం ప్రకారం దక్షిణాననం |
సకృద్ధ్యాత్వా ద్విజశ్రేష్ఠ సగచ్ఛేద్వైష్ణవం పదం || 21 ||
శ్వేతవర్ణం తు తత్పీతం చోకారం పశ్చిమాననం |
సకృద్ధ్యాత్వా ద్విజశ్రేష్ఠ రుద్రేణ సహమోదతే || 22 ||
శుక్లవర్ణేందుసంకాశం దకారం చోత్తరాననం |
సకృద్ధ్యాత్వా ద్విజశ్రేష్ఠ సగచ్ఛేద్బ్రహ్మణఃపదం || 23 ||
యాత్కారస్తు శిరః ప్రోక్తశ్చతుర్థవదనప్రభః |
ప్రత్యక్ష ఫలదో బ్రహ్మా విష్ణు రుద్రాత్మకః స్మృతః || 24 ||
ఏవం ధ్యాత్వా తు మేధావీ జపం హోమం కరోతి యః |
న భవేత్పాతకం తస్య అమృతం కిం న విద్యతే |
సాక్షాద్భవత్యసౌ బ్రహ్మా స్వయంభూః పరమేశ్వరః || 25 ||
ఇతి శ్రీ గాయత్ర్యక్షరవల్లీ స్తోత్రం |