– సంఖ్యా పాఠః –
రవేః సప్తసహస్రాణి చంద్రస్యైకాదశ స్మృతాః |
భౌమే దశసహస్రాణి బుధే చాష్టసహస్రకం |
ఏకోనవింశతిర్జీవే భృగోర్నృపసహస్రకం |
త్రయోవింశతిః సౌరేశ్చ రాహోరష్టాదశ స్మృతాః |
కేతోః సప్తసహస్రాణి జపసంఖ్యాః ప్రకీర్తితాః || 1
రవి – 7000
చంద్ర – 11000
భౌమ – 10000
బుధ – 8000
బృహస్పతి – 19000
శుక్ర – 16000
శని – 23000
రాహు – 18000
కేతు – 7000
– సంఖ్యా నిర్ణయం –
కల్పోక్తైవ కృతే సంఖ్యా త్రేతాయాం ద్విగుణా భవేత్ |
ద్వాపరే త్రిగుణా ప్రోక్తా కలౌ సంఖ్యా చతుర్గుణా || 2
ఇతి వైశంపాయనసంహితావచనం |
ఆచంయ | ప్రాణానాయంయ | దేశకాలౌ సంకీర్త్య | గణపతి స్మరణం కృత్వా |
పునః సంకల్పం –
అద్య పూర్వోక్త ఏవం గుణవిశేషణ విశిష్ఠాయాం శుభతిథౌ మమ ______ గ్రహపీడాపరిహారార్థం ______ గ్రహదేవతా ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథాసంఖ్యకం ______ గ్రహస్య బీజమంత్ర జపం కరిష్యే ||
ధ్యానం –
పద్మాసనః పద్మకరో ద్విబాహుః
పద్మద్యుతిః సప్తతురంగవాహః |
దివాకరో లోకగురుః కిరీటీ
మయి ప్రసాదం విదధాతు దేవః ||
లమిత్యాది పంచపూజా –
లం పృథివ్యాత్మనే గంధం పరికల్పయామి |
హం ఆకాశాత్మనే పుష్పం పరికల్పయామి |
యం వాయ్వాత్మనే ధూపం పరికల్పయామి |
రం అగ్న్యాత్మనే దీపం పరికల్పయామి |
వం అమృతాత్మనే నైవేద్యం పరికల్పయామి |
సం సర్వాత్మనే సర్వోపచారాన్ పరికల్పయామి |
బీజమంత్రః –
ఓం హ్రాం హ్రీం హ్రౌం సః సూర్యాయ నమః |
ధ్యానం –
శ్వేతాంబరః శ్వేతవపుః కిరీటీ
శ్వేతద్యుతిర్దండధరో ద్విబాహుః |
చంద్రోఽమృతాత్మా వరదః కిరీటీ
శ్రేయాంసి మహ్యం విదధాతు దేవః ||
బీజమంత్రః –
ఓం శ్రాం శ్రీం శ్రౌం సః చంద్రాయ నమః |
ధ్యానం –
రక్తాంబరో రక్తవపుః కిరీటీ
చతుర్భుజో మేషగమో గదాభృత్ |
ధరాసుతః శక్తిధరశ్చ శూలీ
సదా మమ స్యాద్వరదః ప్రశాంతః ||
బీజమంత్రః –
ఓం క్రాం క్రీం క్రౌం సః భౌమాయ నమః |
ధ్యానం –
పీతాంబరః పీతవపుః కిరీటీ
చతుర్భుజో దండధరశ్చ సౌంయః |
చర్మాసిధృత్ సోమసుతః సు మేరుః
సింహాధిరూఢో వరదో బుధోఽస్తు ||
బీజమంత్రః –
ఓం బ్రాం బ్రీం బ్రౌం సః బుధాయ నమః |
ధ్యానం –
స్వర్ణాంబరః స్వర్ణవపుః కిరీటీ
చతుర్భుజో దేవగురుః ప్రశాంతః |
దధాతి దండం చ కమండలుం చ
తథాఽక్షసూత్రం వరదోఽస్తు మహ్యం ||
బీజమంత్రః –
ఓం గ్రాం గ్రీం గ్రౌం సః గురవే నమః |
ధ్యానం –
శ్వేతాంబరః శ్వేతవపుః కిరీటీ
చతుర్భుజో దైత్యగురుః ప్రశాంతః |
తథాసి దండం చ కమండలుం చ
తథాక్షసూత్రాద్వరదోఽస్తు మహ్యం ||
బీజమంత్రః –
ఓం ద్రాం ద్రీం ద్రౌం సః శుక్రాయ నమః |
ధ్యానం –
నీలద్యుతిః నీలవపుః కిరీటీ
గృధ్రస్థితశ్చాపకరో ధనుష్మాన్ |
చతుర్భుజః సూర్యసుతః ప్రశాంతః
సదాస్తు మహ్యం వరమందగామీ ||
బీజమంత్రః –
ఓం ప్రాం ప్రీం ప్రౌం సః శనైశ్చరాయ నమః |
ధ్యానం –
నీలాంబరో నీలవపుః కిరీటీ
కరాళవక్త్రః కరవాలశూలీ |
చతుర్భుజశ్చర్మధరశ్చ రాహుః
సింహాధిరూఢో వరదోఽస్తు మహ్యం ||
బీజమంత్రః –
ఓం భ్రాం భ్రీం భ్రౌం సః రాహవే నమః |
ధ్యానం –
ధూంరో ద్విబాహుర్వరదో గదాభృ-
-ద్గృధ్రాసనస్థో వికృతాననశ్చ |
కిరీటకేయూరవిభూషితాంగః
సదాస్తు మే కేతుగణః ప్రశాంతః ||
బీజమంత్రః –
ఓం స్రాం స్రీం స్రౌం సః కేతవే నమః |
సమర్పణం –
గుహ్యాతి గుహ్య గోప్తా త్వం గృహాణాస్మత్కృతం జపం |
సిద్ధిర్భవతు మే దేవ త్వత్ప్రసాదాన్మయి స్థిర ||
అనేన మయా కృత ____ గ్రహస్య మంత్రజపేన ____ సుప్రీతో సుప్రసన్నో వరదో భవంతు |