వ్యాసం విష్ణుస్వరూపం కలిమలతమసః ప్రోద్యదాదిత్యదీప్తిం
వాసిష్ఠం వేదశాఖావ్యసనకరమృషిం ధర్మబీజం మహాన్తం |
పౌరాణబ్రహ్మసూత్రాణ్యరచయదథ యో భారతం చ స్మృతిం తం
కృష్ణద్వైపాయనాఖ్యం సురనరదితిజైః పూజితం పూజయేఽహం ||
వేదవ్యాసో విష్ణురూపః పారాశర్యస్తపోనిధిః |
సత్యసన్ధః ప్రశాన్తాత్మా వాగ్మీ సత్యవతీసుతః || 1 ||
కృష్ణద్వైపాయనో దాన్తో బాదరాయణసంజ్ఞితః |
బ్రహ్మసూత్రగ్రథితవాన్ భగవాన్ జ్ఞానభాస్కరః || 2 ||
సర్వవేదాన్తతత్త్వజ్ఞః సర్వజ్ఞో వేదమూర్తిమాన్ |
వేదశాఖావ్యసనకృత్కృతకృత్యో మహామునిః || 3 ||
మహాబుద్ధిర్మహాసిద్ధిర్మహాశక్తిర్మహాద్యుతిః |
మహాకర్మా మహాధర్మా మహాభారతకల్పకః || 4 ||
మహాపురాణకృత్ జ్ఞానీ జ్ఞానవిజ్ఞానభాజనం |
చిరఞ్జీవీ చిదాకారశ్చిత్తదోషవినాశకః || 5 ||
వాసిష్ఠః శక్తిపౌత్రశ్చ శుకదేవగురుర్గురుః |
ఆషాఢపూర్ణిమాపూజ్యః పూర్ణచన్ద్రనిభాననః || 6 ||
విశ్వనాథస్తుతికరో విశ్వవన్ద్యో జగద్గురుః |
జితేన్ద్రియో జితక్రోధో వైరాగ్యనిరతః శుచిః || 7 ||
జైమిన్యాదిసదాచార్యః సదాచారసదాస్థితః |
స్థితప్రజ్ఞః స్థిరమతిః సమాధిసంస్థితాశయః || 8 ||
ప్రశాన్తిదః ప్రసన్నాత్మా శఙ్కరార్యప్రసాదకృత్ |
నారాయణాత్మకః స్తవ్యః సర్వలోకహితే రతః || 9 ||
అచతుర్వదనబ్రహ్మా ద్విభుజాపరకేశవః |
అఫాలలోచనశివః పరబ్రహ్మస్వరూపకః || 10 ||
బ్రహ్మణ్యో బ్రాహ్మణో బ్రహ్మీ బ్రహ్మవిద్యావిశారదః |
బ్రహ్మాత్మైకత్వవిజ్ఞాతా బ్రహ్మభూతః సుఖాత్మకః || 11 ||
వేదాబ్జభాస్కరో విద్వాన్ వేదవేదాన్తపారగః |
అపాన్తరతమోనామా వేదాచార్యో విచారవాన్ || 12 ||
అజ్ఞానసుప్తిబుద్ధాత్మా ప్రసుప్తానాం ప్రబోధకః |
అప్రమత్తోఽప్రమేయాత్మా మౌనీ బ్రహ్మపదే రతః || 13 ||
పూతాత్మా సర్వభూతాత్మా భూతిమాన్భూమిపావనః |
భూతభవ్యభవజ్ఞాతా భూమసంస్థితమానసః || 14 ||
ఉత్ఫుల్లపుణ్డరీకాక్షః పుణ్డరీకాక్షవిగ్రహః |
నవగ్రహస్తుతికరః పరిగ్రహవివర్జితః || 15 ||
ఏకాన్తవాససుప్రీతః శమాదినిలయో మునిః |
ఏకదన్తస్వరూపేణ లిపికారీ బృహస్పతిః || 16 ||
భస్మరేఖావిలిప్తాఙ్గో రుద్రాక్షావలిభూషితః |
జ్ఞానముద్రాలసత్పాణిః స్మితవక్త్రో జటాధరః || 17 ||
గభీరాత్మా సుధీరాత్మా స్వాత్మారామో రమాపతిః |
మహాత్మా కరుణాసిన్ధురనిర్దేశ్యః స్వరాజితః || 18 ||
ఇతి శ్రీయోగానన్దసరస్వతీవిరచితం శ్రీవేదవ్యాసాష్టోత్తరశతనామస్తోత్రం సంపూర్ణం ||