కలిమలాస్తవివేకదివాకరం
సమవలోక్య తమోవలితం జనం |
కరుణయా భువి దర్శితవిగ్రహం
మునివరం గురువ్యాసమహం భజే || 1 ||
భరతవంశసముద్ధరణేచ్ఛయా
స్వజననీవచసా పరినోదితః |
అజనయత్తనయత్రితయం ప్రభుః
శుకనుతం గురువ్యాసమహం భజే || 2 ||
మతిబలాది నిరీక్ష్య కలౌ నృణాం
లఘుతరం కృపయా నిగమాంబుధేః |
సమకరోదిహ భాగమనేకధా
శ్రుతిపతిం గురువ్యాసమహం భజే || 3 ||
సకలధర్మనిరూపణసాగరం
వివిధచిత్రకథాసమలంకృతం |
వ్యరచయచ్చ పురాణకదంబకం
కవివరం గురువ్యాసమహం భజే || 4 ||
శ్రుతివిరోధసమన్వయదర్పణం
నిఖిలవాదిమతాన్ధ్యవిదారణం |
గ్రథితవానపి సూత్రసమూహకం
మునిసుతం గురువ్యాసమహం భజే || 5 ||
యదనుభావవశేన దివంగతః
సమధిగంయ మహాస్త్రసముచ్చయం |
కురుచమూమజయద్విజయో ద్రుతం
ద్యుతిధరం గురువ్యాసమహం భజే || 6 ||
సమరవృత్తవిబోధసమీహయా
కురువరేణ ముదా కృతయాచనః |
సపదిసూతమదాదమలేక్షణం
కలిహరం గురువ్యాసమహం భజే || 7 ||
వననివాసపరౌ కురుదంపతీ
సుతశుచా తపసా చ వికర్శితౌ |
మృతతనూజగణం సమదర్శయన్
శరణదం గురువ్యాసమహం భజే || 8 ||
వ్యాసాష్టకమిదం పుణ్యం బ్రహ్మానన్దేన కీర్తితం |
యః పఠేన్మనుజో నిత్యం స భవేచ్ఛాస్త్రపారగః ||
ఇతి శ్రీపరమహంసస్వామి బ్రహ్మానందవిరచితం శ్రీవేదవ్యాసాష్టకం |
Sri Veda Vyasa Ashtakam pdf download – శ్రీ వేదవ్యాసాష్టకం
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
