Sri Nrusimha Bhujanga Prayata Stava pdf download – శ్రీ నృసింహ భుజంగ ప్రయాత స్తవః

ఋతం కర్తుమేవాశు నంరస్య వాక్యం
సభాస్తంభమధ్యాద్య ఆవిర్బభూవ |
తమానంరలోకేష్టదానప్రచండం
నమస్కుర్మహే శైలవాసం నృసింహం || 1 ||
ఇనాంతర్దృగంతశ్చ గాంగేయదేహం
సదోపాసతే యం నరాః శుద్ధచిత్తాః |
తమస్తాఘమేనోనివృత్త్యై నితాంతం
నమస్కుర్మహే శైలవాసం నృసింహం || 2 ||
శివం శైవవర్యా హరిం వైష్ణవాగ్ర్యాః
పరాశక్తిమాహుస్తథా శక్తిభక్తాః |
యమేవాభిధాభిః పరం తం విభిన్నం
నమస్కుర్మహే శైలవాసం నృసింహం || 3 ||
కృపాసాగరం క్లిష్టరక్షాధురీణం
కృపాణం మహాపాపవృక్షౌఘభేదే |
నతాలీష్టవారాశిరాకాశశాంకం
నమస్కుర్మహే శైలవాసం నృసింహం || 4 ||
జగన్నేతి నేతీతి వాక్యైర్నిషిద్ధ్యా-
-వశిష్టం పరబ్రహ్మరూపం మహాంతః |
స్వరూపేణ విజ్ఞాయ ముక్తా హి యం తం
నమస్కుర్మహే శైలవాసం నృసింహం || 5 ||
నతాన్భోగసక్తానపీహాశు భక్తిం
విరక్తిం చ దత్వా దృఢాం ముక్తికామాన్ |
విధాతుం కరే కంకణం ధారయంతం
నమస్కుర్మహే శైలవాసం నృసింహం || 6 ||
నరో యన్మనోర్జాపతో భక్తిభావా-
-చ్ఛరీరేణ తేనైవ పశ్యత్యమోఘాం |
తనుం నారసింహస్య వక్తీతి వేదో
నమస్కుర్మహే శైలవాసం నృసింహం || 7 ||
యదంఘ్ర్యబ్జసేవాపరాణాం నరాణాం
విరక్తిర్దృఢా జాయతేఽర్థేషు శీఘ్రం |
తమంగప్రభాధూతపూర్ణేందుకోటిం
నమస్కుర్మహే శైలవాసం నృసింహం || 8 ||
రథాంగం పినాకం వరం చాభయం యో
విధత్తే కరాబ్జైః కృపావారిరాశిః |
తమింద్వచ్ఛదేహం ప్రసన్నాస్యపద్మం
నమస్కుర్మహే శైలవాసం నృసింహం || 9 ||
పినాకం రథాంగం వరం చాభయం చ
ప్రఫుల్లాంబుజాకారహస్తైర్దధానం |
ఫణీంద్రాతపత్రం శుచీనేందునేత్రం
నమస్కుర్మహే శైలవాసం నృసింహం || 10 ||
వివేకం విరక్తిం శమాదేశ్చ షట్కం
ముముక్షాం చ సంప్రాప్య వేదాంతజాలైః |
యతంతే విబోధాయ యస్యానిశం తం
నమస్కుర్మహే శైలవాసం నృసింహం || 11 ||
సదా నందినీతీరవాసైకలోలం
ముదా భక్తలోకం దృశా పాలయంతం |
విదామగ్రగణ్యా నతాః స్యుర్యదంఘ్రౌ
నమస్కుర్మహే శైలవాసం నృసింహం || 12 ||
యదీయస్వరూపం శిఖా వేదరాశే-
-రజస్రం ముదా సంయగుద్ఘోషయంతి |
నలిన్యాస్తటే స్వైరసంచారశీలం
చిదానందరూపం తమీడే నృసింహం || 13 ||
యమాహుర్హి దేహం హృషీకాణి కేచి-
-త్పరేఽసూంస్తథా బుద్ధిశూన్యే తథాన్యే |
యదజ్ఞానముగ్ధా జనా నాస్తికాగ్ర్యాః
సదానందరూపం తమీడే నృసింహం || 14 ||
సదానందచిద్రూపమాంనాయశీర్షై-
-ర్విచార్యార్యవక్త్రాద్యతీంద్రా యదీయం |
సుఖేనాసతే చిత్తకంజే దధానాః
సదానందచిద్రూపమీడే నృసింహం || 15 ||
పురా స్తంభమధ్యాద్య ఆవిర్బభూవ
స్వభక్తస్య కర్తుం వచస్తథ్యమాశు |
తమానందకారుణ్యపూర్ణాంతరంగం
బుధా భావయుక్తా భజధ్వం నృసింహం || 16 ||
పురా శంకరార్యా ధరాధీశభృత్యై-
-ర్వినిక్షిప్తవహ్నిప్రతప్తస్వదేహాః |
స్తువంతి స్మ యం దాహశాంత్యై జవాత్తం
బుధా భావయుక్తా భజధ్వం నృసింహం || 17 ||
సదేమాని భక్త్యాఖ్యసూత్రేణ దృబ్ధా-
-న్యమోఘాని రత్నాని కంఠే జనా యే |
ధరిష్యంతి తాన్ముక్తికాంతా వృణీతే
సఖీభిర్వృతా శాంతిదాంత్యదిమాభిః ||
ఇతి శృంగేరి జగద్గురు శ్రీసచ్చిదానందశివాభినవనృసింహభారతీ స్వామిభిః విరచితం శ్రీ నృసింహ భుజంగ ప్రయాత స్తవః |