Sri Gayatri Kavacham 2 pdf download – శ్రీ గాయత్రీ కవచం –2

అస్య శ్రీగాయత్రీ కవచస్య బ్రహ్మా ఋషిః అనుష్టుప్ ఛందః గాయత్రీ దేవతా భూః బీజం భువః శక్తిః స్వః కీలకం శ్రీగాయత్రీ ప్రీత్యర్థే జపే వినియోగః |
ధ్యానం –
పంచవక్త్రాం దశభుజాం సూర్యకోటిసమప్రభాం |
సావిత్రీ బ్రహ్మవరదాం చంద్రకోటిసుశీతలాం || 1 ||
త్రినేత్రాం సితవక్త్రాం చ ముక్తాహారవిరాజితాం |
వరాఽభయాంకుశకశాం హేమపాత్రాక్షమాలికాం || 2 ||
శంఖచక్రాబ్జయుగళం కరాభ్యాం దధతీ పరాం |
సితపంకజసంస్థా చ హంసారూఢాం సుఖస్మితాం || 3 ||
ధ్యాత్వైవం మానసాంభోజే గాయత్రీకవచం జపేత్ || 4 ||
బ్రహ్మోవాచ |
విశ్వామిత్ర మహాప్రాజ్ఞ గాయత్రీకవచం శృణు |
యస్య విజ్ఞానమాత్రేణ త్రైలోక్యం వశయేత్ క్షణాత్ || 5 ||
సావిత్రీ మే శిరః పాతు శిఖాయామమృతేశ్వరీ |
లలాటం బ్రహ్మదైవత్యా భ్రువౌ మే పాతు వైష్ణవీ || 6 ||
కర్ణౌ మే పాతు రుద్రాణీ సూర్యా సావిత్రికాఽంబికే |
గాయత్రీ వదనం పాతు శారదా దశనచ్ఛదౌ || 7 ||
ద్విజాన్ యజ్ఞప్రియా పాతు రసనాయాం సరస్వతీ |
సాంఖ్యాయనీ నాసికా మే కపోలం చంద్రహాసినీ || 8 ||
చిబుకం వేదగర్భా చ కంఠం పాత్వఘనాశినీ |
స్తనౌ మే పాతు ఇంద్రాణీ హృదయం బ్రహ్మవాదినీ || 9 ||
ఉదరం విశ్వభోక్త్రీ చ నాభిం పాతు సురప్రియా |
జఘనం నారసింహీ చ పృష్ఠం బ్రహ్మాండధారిణీ || 10 ||
పార్శ్వౌ మే పాతు పద్మాక్షీ గుహ్యం మే గోత్రికాఽవతు |
ఊర్వోరోంకారరూపా చ జాన్వోః సంధ్యాత్మికాఽవతు || 11 ||
జంఘయోః పాతు చాఽక్షోభ్యా గుల్ఫయోర్బ్రహ్మశీర్షకా |
సూర్యా పదద్వయం పాతు చంద్రా పాదాంగుళీషు చ || 12 ||
సర్వాంగం వేదమాతా చ పాతు మే సర్వదాఽనఘా |
ఇత్యేతత్ కవచం బ్రహ్మన్ గాయత్ర్యాః సర్వపావనం || 13 ||
పుణ్యం పవిత్రం పాపఘ్నం సర్వరోగనివారణం |
త్రిసంధ్యం యః పఠేద్విద్వాన్ సర్వాన్ కామానవాప్నుయాత్ || 14 ||
సర్వశాస్త్రార్థతత్త్వజ్ఞః స భవేద్వేదవిత్తమః |
సర్వయజ్ఞఫలం పుణ్యం బ్రహ్మాంతే సమవాప్నుయాత్ || 15 ||
ఇతి శ్రీవిశ్వామిత్రసంహితోక్తం శ్రీ గాయత్రీ కవచం |