అస్య శ్రీబాలాదేవ్యా హృదయమహామంత్రస్య, సదాశివః ఋషిః, అనుష్టుప్ఛందః, బాలాత్రిపురసుందరీ దేవతా, మమ బాలాత్రిపురసుందరీ దేవతా ప్రీత్యర్థే జపే వినియోగః |
ధ్యానం |
వందే దేవీం శివాం బాలాం భాస్వన్మండలమధ్యగాం |
చంచచ్చంద్రాననాం తప్తచామీకరసమప్రభాం || 1 ||
నృత్యత్ఖంజననేత్రస్య లోచనాత్యంతవల్లభాం |
మధ్యభాగే లసత్కాంచీ మణిముక్తావినిర్మితాం || 2 ||
పదవిన్యస్తహంసాలీం శుకనాసావిరాజితాం |
కరిశుండోరుయుగళాం మత్తకోకిలనిఃస్వనాం || 3 ||
పుస్తకం జపమాలాం చ వరదాఽభయపాణినీం |
కుమారీవేశశోభాఢ్యాం కుమారీవృందమండితాం || 4 ||
విద్రుమాధరశోభాఢ్యాం విద్రుమాలినఖాలికాం |
క్వణత్కాంచీం కలానాథసమానరుచిరాననాం || 5 ||
మృణాలబాహులతికాం నానారత్నవిరాజితాం |
కరపద్మసమానాభాం పాదపద్మవిరాజితాం || 6 ||
చారుచాంపేయవసనాం దేవదేవనమస్కృతాం |
చందనేందువిలిప్తాంగీం రోమరాజీవిచిత్రితాం || 7 ||
తిలపుష్పసమానాభాం నాసారత్నసమన్వితాం |
గజగండనితంబాభాం రంభాజంఘావిరాజితాం || 8 ||
హరవిష్ణుమహేంద్రాద్యైః పూజ్యశ్రీపాదపంకజాం |
కల్యాణీం కమలాం కాలీం కుంచికాం కమలేశ్వరీం || 9 ||
పావనీం పరమాం శక్తిం పవిత్రాం పావనీం శివాం |
భవానీం భవపాశఘ్నీం భీతిహాం భువనేశ్వరీం || 10 ||
భవానీం భవశక్తిం చ భేరుండాం ముండమాలినీం |
జలంధరగిర్యుత్సంగాం పూర్ణగిర్యనురాగిణీం || 11 ||
కామరూపాం చ కామాఖ్యాం దేవీకోటకృతాలయాం |
ఓంకారపీఠనిలయాం మహామాయాం మహేశ్వరీం || 12 ||
విశ్వేశ్వరీం చ మధురాం నానారూపాకృతాపురీం |
ఐం క్లీం సౌః త్ర్యక్షరాం బాలాం తద్విలోమాం కుమారికాం || 13 ||
హౌః ఐం హంసః నమో దేవి త్రిపురాం జీవభైరవీం |
నారదో యస్య దేవర్షిః మహాశాంతిఫలప్రదాం || 14 ||
ఓం నమో శ్రీమహాలక్ష్ంయై లక్ష్మీం త్రిపురభైరవీం |
ఓం హ్రీం జూం సః ప్రాణగ్రంథిః ద్విధార్గకవచద్వయం || 15 ||
ఇయం సంజీవినీ దేవీ మృతాన్ జీవత్వదాయినీ |
ఫ్రేః ఫ్రం న ఫ ల వ ర యూం శ్రోం శ్రోం అమృతమావదేత్ || 16 ||
స్రావయ స్రావయ తథా వ్రీం వ్రీం మృత్యుంజయాభిధా |
ఓం నమో ప్రథమాభాష్య కాళీబీజం ద్విధా పఠేత్ || 17 ||
కూర్చద్వయం తథా మాయా ఆగామిపదమావదేత్ |
మృత్యుం ఛింది తథా భింది మహామృత్యుంజయో భవేత్ || 18 ||
తవ శబ్దం మమాభాష్య ఖడ్గేన చ విదారయ |
ద్విధా భాష్య మహేశాని తదంతే వహ్నిసుందరీ || 19 ||
ఇయం దేవీ మహావిద్యా ఆగామి కాలవంచినీ |
ప్రాతర్దీపదలాకారం వాగ్భవం రసనాతలే || 20 ||
విచింత్య ప్రజపేత్తచ్చ మహాకవిర్భవేద్ధ్రువం |
మధ్యాహ్నే కామరాజాఖ్యం జపాకుసుమసన్నిభం || 21 ||
విచింత్య హృది మధ్యే తు తచ్చ మంత్రం జపేత్ప్రియే |
ధర్మార్థకామమోక్షాణాం భాజనో జాయతే ధ్రువం || 22 ||
తార్తీయం చంద్రసంకాశం సాయంకాలే విచింత్య చ |
ప్రజపేత్తత్ర దేవేశి జాయతే మదనోపమః || 23 ||
వాగ్భవం కామరాజం తు తార్తీయం వహ్నివల్లభాం |
అయుతం ప్రజపేన్నిత్యం ఆగామీ కాలో వంచ్యతే || 24 ||
త్రికోణం చక్రమాలిఖ్య మాయాయుక్తం మహేశ్వరి |
తస్యోపరి లిఖేత్పద్మం మాతృకా మంత్రగర్భితం || 25 ||
తస్యోపరి సమాస్తీర్య చాసనం రక్తవర్ణకం |
తస్యోపరి విశేద్దేవి సాధకః ప్రాఙ్ముఖో నిశి || 26 ||
క్రమేణ ప్రజపేద్వర్ణాన్ వాగాది నియతః శుచిః |
మండలత్రితయే దేవి ప్రాప్యతే సిద్ధిరుత్తమా || 27 ||
నవయోన్యాత్మకం చక్రం పూజయేచ్ఛాస్త్రవర్త్మనా |
ప్రజపేద్ద్వ్యక్షరీం బాలాం సర్వసిద్ధీశ్వరో భవేత్ || 28 ||
యం యం చింతయతే కామం తం తం ప్రాప్నోతి సర్వశః |
ఇదం తు హృదయం దేవి తవాగ్రే కథితం మయా || 29 ||
మమ భాగ్యం చ సర్వస్వం బ్రహ్మాదీనాం చ దుర్లభం |
గోపనీయం త్వయా భద్రే స్వయోనిరివ పార్వతి || 30 ||
శతావర్తేన దేవేశి మానుషీ వశమాప్నుయాత్ |
సహస్రావర్తనాద్దేవి దేవా వై వశమాప్నుయుః || 31 ||
లక్షమావర్తనాద్దేవి శునాసీరః స్వకాసనాత్ |
క్షణాచ్చ్యవతి తత్ర వై కిం పునః క్షుద్రజంతవః || 32 ||
తస్మాత్సర్వప్రయత్నేన జ్ఞాత్వా దేవి జపేన్మనుం |
సర్వసిద్ధిమవాప్నోతి సర్వదా సుఖవాన్భవేత్ || 33 ||
ఇతి జాలశంబరమహాతంత్రే శ్రీ బాలా హృదయం |