వేలాతిలంఘ్య కరుణే విబుధేంద్ర వంద్యే
లీలావినిర్మిత చరాచరహృన్నివాసే |
మాలా కిరీట మణికుండల మండితాంగే
బాలాంబికే మయి నిధేహి కృపాకటాక్షం || 1 ||
కంజాసనాది మణిమంజుకిరీటకోటి
ప్రత్యుప్తరత్నరుచి రంజిత పాదపద్మే |
మంజీర మంజుల వినిర్జిత హంసనాదే
బాలాంబికే మయి నిధేహి కృపాకటాక్షం || 2 ||
ప్రాలేయభాను కలికా కలితాతిరంయే
పాదాగ్రజావలి వినిర్జిత మౌక్తికాభే |
ప్రాణేశ్వరి ప్రథమలోకపతే ప్రజానాం
బాలాంబికే మయి నిధేహి కృపాకటాక్షం || 3 ||
జంఘాదిభిర్విజిత చిత్తజ తూణిభాగే
రంభాది మార్దవ కరీంద్ర కరోరుయుగ్మే |
శంపాశతాధిక సముజ్జ్వల చేలలీలే
బాలాంబికే మయి నిధేహి కృపాకటాక్షం || 4 ||
మాణిక్యమౌక్తిక వినిర్మిత మేఖలాఢ్యే
మాయా విలగ్న విలసన్మణిపట్టబంధే |
లోలంబరాజి విలసన్నవరోమజాలే
బాలాంబికే మయి నిధేహి కృపాకటాక్షం || 5 ||
న్యగ్రోధపల్లవ తలోదర నింననాభే
నిర్ధూతహార విలసత్కుచ చక్రవాకే |
నిష్కాది మంజుమణిభూషణ భూషితాంగే
బాలాంబికే మయి నిధేహి కృపాకటాక్షం || 6 ||
కందర్ప చాప మదభంగ కృతాతిరంయే
భ్రూవల్లరీ వివిధ చేష్టిత రంయమానే |
కందర్పసోదర సమాకృతి ఫాలదేశే
బాలాంబికే మయి నిధేహి కృపాకటాక్షం || 7 ||
ముక్తావలీ విలసదూర్మిత కంబుకంఠే
మందస్మితానన వినిర్మిత చంద్రబింబే |
భక్తేష్టదాన నిరతామృత పూర్ణదృష్టే
బాలాంబికే మయి నిధేహి కృపాకటాక్షం || 8 ||
కర్ణావలంబి మణికుండల గండభాగే
కర్ణాంతదీర్ఘ నవనీరజపత్ర నేత్రే |
స్వర్ణాయకాది గుణమౌక్తిక శోభినాసే
బాలాంబికే మయి నిధేహి కృపాకటాక్షం || 9 ||
లోలంబరాజి లలితాలకజాలశోభే
మల్లీ నవీన కలికా నవ కుందజాలే |
భాలేందు మంజుల కిరీట విరాజమానే
బాలాంబికే మయి నిధేహి కృపాకటాక్షం || 10 ||
బాలాంబికే మహారాజ్ఞి వైద్యనాథప్రియేశ్వరి |
పాహి మామంబ కృపయా త్వత్పాదం శరణం గతః || 11 ||