Sri Adi Varahi Stotram pdf download – శ్రీ ఆదివారాహీ స్తోత్రం

నమోఽస్తు దేవీ వారాహి జయైంకారస్వరూపిణి |
జపిత్వా భూమిరూపేణ నమో భగవతః ప్రియే || 1 ||
జయ క్రోడాస్తు వారాహి దేవీ త్వాం చ నమాంయహం |
జయ వారాహి విశ్వేశి ముఖ్యవారాహి తే నమః || 2 ||
ముఖ్యవారాహి వందే త్వాం అంధే అంధిని తే నమః |
సర్వదుష్టప్రదుష్టానాం వాక్‍స్తంభనకరీ నమః || 3 ||
నమః స్తంభిని స్తంభే త్వాం జృంభే జృంభిణి తే నమః |
రుంధే రుంధిని వందే త్వాం నమో దేవీ తు మోహినీ || 4 ||
స్వభక్తానాం హి సర్వేషాం సర్వకామప్రదే నమః |
బాహ్వోః స్తంభకరీ వందే చిత్తస్తంభని తే నమః || 5 ||
చక్షుస్తంభిని త్వాం ముఖ్యస్తంభినీ తే నమో నమః |
జగత్ స్తంభిని వందే త్వాం జిహ్వస్తంభనకారిణి || 6 ||
స్తంభనం కురు శత్రూణాం కురు మే శత్రునాశనం |
శీఘ్రం వశ్యం చ కురుతే యోఽగ్నౌ వాచాత్మికే నమః || 7 ||
ఠచతుష్టయరూపే త్వాం శరణం సర్వదా భజే |
హోమాత్మకే ఫడ్రూపేణ జయ ఆద్యాననే శివే || 8 ||
దేహి మే సకలాన్ కామాన్ వారాహి జగదీశ్వరీ |
నమస్తుభ్యం నమస్తుభ్యం నమస్తుభ్యం నమో నమః || 9 ||
ఇదమాద్యాననా స్తోత్రం సర్వపాపవినాశనం |
పఠేద్యః సర్వదా భక్త్యా పాతకైర్ముచ్యతే తథా || 10 ||
లభంతే శత్రవో నాశం దుఃఖరోగాపమృత్యవః |
మహదాయుష్యమాప్నోతి అలక్ష్మీర్నాశమాప్నుయాత్ || 11 ||