అస్య శ్రీవారాహీకవచస్య త్రిలోచన ఋషిః, అనుష్టుప్ ఛందః, శ్రీవారాహీ దేవతా, ఓం బీజం, గ్లౌం శక్తిః, స్వాహేతి కీలకం, మమ సర్వశత్రునాశనార్థే జపే వినియోగః ||
ధ్యానం |
ధ్యాత్వేంద్రనీలవర్ణాభాం చంద్రసూర్యాగ్నిలోచనాం |
విధివిష్ణుహరేంద్రాది మాతృభైరవసేవితాం || 1 ||
జ్వలన్మణిగణప్రోక్తమకుటామావిలంబితాం |
అస్త్రశస్త్రాణి సర్వాణి తత్తత్కార్యోచితాని చ || 2 ||
ఏతైః సమస్తైర్వివిధం బిభ్రతీం ముసలం హలం |
పాత్వా హింస్రాన్ హి కవచం భుక్తిముక్తిఫలప్రదం || 3 ||
పఠేత్త్రిసంధ్యం రక్షార్థం ఘోరశత్రునివృత్తిదం |
వార్తాలీ మే శిరః పాతు ఘోరాహీ ఫాలముత్తమం || 4 ||
నేత్రే వరాహవదనా పాతు కర్ణౌ తథాంజనీ |
ఘ్రాణం మే రుంధినీ పాతు ముఖం మే పాతు జంభినీ || 5 ||
పాతు మే మోహినీ జిహ్వాం స్తంభినీ కంఠమాదరాత్ |
స్కంధౌ మే పంచమీ పాతు భుజౌ మహిషవాహనా || 6 ||
సింహారూఢా కరౌ పాతు కుచౌ కృష్ణమృగాంచితా |
నాభిం చ శంఖినీ పాతు పృష్ఠదేశే తు చక్రిణి || 7 ||
ఖడ్గం పాతు చ కట్యాం మే మేఢ్రం పాతు చ ఖేదినీ |
గుదం మే క్రోధినీ పాతు జఘనం స్తంభినీ తథా || 8 ||
చండోచ్చండశ్చోరుయుగ్మం జానునీ శత్రుమర్దినీ |
జంఘాద్వయం భద్రకాళీ మహాకాళీ చ గుల్ఫయోః || 9 ||
పాదాద్యంగుళిపర్యంతం పాతు చోన్మత్తభైరవీ |
సర్వాంగం మే సదా పాతు కాలసంకర్షణీ తథా || 10 ||
యుక్తాయుక్తస్థితం నిత్యం సర్వపాపాత్ప్రముచ్యతే |
సర్వే సమర్థ్య సంయుక్తం భక్తరక్షణతత్పరం || 11 ||
సమస్తదేవతా సర్వం సవ్యం విష్ణోః పురార్ధనే |
సర్వశత్రువినాశాయ శూలినా నిర్మితం పురా || 12 ||
సర్వభక్తజనాశ్రిత్య సర్వవిద్వేషసంహతిః |
వారాహీ కవచం నిత్యం త్రిసంధ్యం యః పఠేన్నరః || 13 ||
తథా విధం భూతగణా న స్పృశంతి కదాచన |
ఆపదః శత్రుచోరాది గ్రహదోషాశ్చ సంభవాః || 14 ||
మాతా పుత్రం యథా వత్సం ధేనుః పక్ష్మేవ లోచనం |
తథాంగమేవ వారాహీ రక్షా రక్షాతి సర్వదా || 15 ||
ఇతి శ్రీరుద్రయామలతంత్రే శ్రీ వారాహీ కవచం ||