Sri Jagaddhatri Stotram pdf download – శ్రీ జగద్ధాత్రీ స్తోత్రం

ఆధారభూతే చాధేయే ధృతిరూపే ధురంధరే |
ధ్రువే ధ్రువపదే ధీరే జగద్ధాత్రి నమోఽస్తు తే || 1 ||
శవాకారే శక్తిరూపే శక్తిస్థే శక్తివిగ్రహే |
శాక్తాచారప్రియే దేవి జగద్ధాత్రి నమోఽస్తు తే || 2 ||
జయదే జగదానందే జగదేకప్రపూజితే |
జయ సర్వగతే దుర్గే జగద్ధాత్రి నమోఽస్తు తే || 3 ||
సూక్ష్మాతిసూక్ష్మరూపే చ ప్రాణాపానాదిరూపిణి |
భావాభావస్వరూపే చ జగద్ధాత్రి నమోఽస్తు తే || 4 ||
కాలాదిరూపే కాలేశే కాలాకాలవిభేదిని |
సర్వస్వరూపే సర్వజ్ఞే జగద్ధాత్రి నమోఽస్తు తే || 5 ||
మహావిఘ్నే మహోత్సాహే మహామాయే వరప్రదే |
ప్రపంచసారే సాధ్వీశే జగద్ధాత్రి నమోఽస్తు తే || 6 ||
అగంయే జగతామాద్యే మాహేశ్వరి వరాంగనే |
అశేషరూపే రూపస్థే జగద్ధాత్రి నమోఽస్తు తే || 7 ||
ద్విసప్తకోటిమంత్రాణాం శక్తిరూపే సనాతని |
సర్వశక్తిస్వరూపే చ జగద్ధాత్రి నమోఽస్తు తే || 8 ||
తీర్థయజ్ఞతపోదానయోగసారే జగన్మయి |
త్వమేవ సర్వం సర్వస్థే జగద్ధాత్రి నమోఽస్తు తే || 9 ||
దయారూపే దయాదృష్టే దయార్ద్రే దుఃఖమోచని |
సర్వాపత్తారికే దుర్గే జగద్ధాత్రి నమోఽస్తు తే || 10 ||
అగంయధామధామస్థే మహాయోగీశహృత్పురే |
అమేయభావకూటస్థే జగద్ధాత్రి నమోఽస్తు తే || 11 ||