Sri Yoga Meenakshi Stotram pdf download – శ్రీ యోగమీనాక్షీ స్తోత్రం

శివానందపీయూషరత్నాకరస్థాం
శివబ్రహ్మవిష్ణ్వామరేశాభివంద్యాం |
శివధ్యానలగ్నాం శివజ్ఞానమూర్తిం
శివాఖ్యామతీతాం భజే పాండ్యబాలాం || 1 ||
శివాదిస్ఫురత్పంచమంచాధిరూఢాం
ధనుర్బాణపాశాంకుశోద్భాసిహస్తాం |
నవీనార్కవర్ణాం నవీనేందుచూడాం
పరబ్రహ్మపత్నీం భజే పాండ్యబాలాం || 2 ||
కిరీటాంగదోద్భాసిమాంగళ్యసూత్రాం
స్ఫురన్మేఖలాహారతాటంకభూషాం |
పరామంత్రకాం పాండ్యసింహాసనస్థాం
పరంధామరూపాం భజే పాండ్యబాలాం || 3 ||
లలామాంచితస్నిగ్ధఫాలేందుభాగాం
లసన్నీరజోత్ఫుల్లకల్హారసంస్థాం |
లలాటేక్షణార్ధాంగలగ్నోజ్జ్వలాంగీం
పరంధామరూపాం భజే పాండ్యబాలాం || 4 ||
త్రిఖండాత్మవిద్యాం త్రిబిందుస్వరూపాం
త్రికోణే లసంతీం త్రిలోకావనంరాం |
త్రిబీజాధిరూఢాం త్రిమూర్త్యాత్మవిద్యాం
పరబ్రహ్మపత్నీం భజే పాండ్యబాలాం || 5 ||
సదా బిందుమధ్యోల్లసద్వేణిరంయాం
సముత్తుంగవక్షోజభారావనంరాం |
క్వణన్నూపురోపేతలాక్షారసార్ద్ర-
-స్ఫురత్పాదపద్మాం భజే పాండ్యబాలాం || 6 ||
యమాద్యష్టయోగాంగరూపామరూపా-
-మకారాత్క్షకారాంతవర్ణామవర్ణాం |
అఖండామనన్యామచింత్యామలక్ష్యా-
-మమేయాత్మవిద్యాం భజే పాండ్యబాలాం || 7 ||
సుధాసాగరాంతే మణిద్వీపమధ్యే
లసత్కల్పవృక్షోజ్జ్వలద్బిందుచక్రే |
మహాయోగపీఠే శివాకారమంచే
సదా సన్నిషణ్ణాం భజే పాండ్యబాలాం || 8 ||
సుషుంనాంతరంధ్రే సహస్రారపద్మే
రవీంద్వగ్నిసంయుక్తచిచ్చక్రమధ్యే |
సుధామండలస్థే సునిర్వాణపీఠే
సదా సంచరంతీం భజే పాండ్యబాలాం || 9 ||
షడంతే నవాంతే లసద్ద్వాదశాంతే
మహాబిందుమధ్యే సునాదాంతరాళే |
శివాఖ్యే కళాతీతనిశ్శబ్దదేశే
సదా సంచరంతీం భజే పాండ్యబాలాం || 10 ||
చతుర్మార్గమధ్యే సుకోణాంతరంగే
ఖరంధ్రే సుధాకారకూపాంతరాళే |
నిరాలంబపద్మే కళాషోడశాంతే
సదా సంచరంతీం భజే పాండ్యబాలాం || 11 ||
పుటద్వంద్వనిర్ముక్తవాయుప్రలీన-
-ప్రకాశాంతరాళే ధ్రువోపేతరంయే |
మహాషోడశాంతే మనోనాశదేశే
సదా సంచరంతీం భజే పాండ్యబాలాం || 12 ||
చతుష్పత్రమధ్యే సుకోణత్రయాంతే
త్రిమూర్త్యాధివాసే త్రిమార్గాంతరాళే |
సహస్రారపద్మోచితాం చిత్ప్రకాశ-
-ప్రవాహప్రలీనాం భజే పాండ్యబాలాం || 13 ||
లసద్ద్వాదశాంతేందుపీయూషధారా-
-వృతాం మూర్తిమానందమగ్నాంతరంగాం |
పరాం త్రిస్తనీం తాం చతుష్కూటమధ్యే
పరంధామరూపాం భజే పాండ్యబాలాం || 14 ||
సహస్రారపద్మే సుషుంనాంతమార్గే
స్ఫురచ్చంద్రపీయూషధారాం పిబంతీం |
సదా స్రావయంతీం సుధామూర్తిమంబాం
పరంజ్యోతిరూపాం భజే పాండ్యబాలాం || 15 ||
నమస్తే సదా పాండ్యరాజేంద్రకన్యే
నమస్తే సదా సుందరేశాంకవాసే |
నమస్తే నమస్తే సుమీనాక్షి దేవి
నమస్తే నమస్తే పునస్తే నమోఽస్తు || 16 ||
ఇతి అగస్త్య కృత శ్రీ యోగమీనాక్షీ స్తోత్రం |