ధరాధరేంద్రనందినీ శశాంకమౌళిసంగినీ
సురేశశక్తివర్ధినీ నితాంతకాంతకామినీ |
నిశాచరేంద్రమర్దినీ త్రిశూలశూలధారిణీ
మనోవ్యథావిదారిణీ శివం తనోతు పార్వతీ || 1 ||
భుజంగతల్పశాయినీ మహోగ్రకాంతభామినీ
ప్రకాశపుంజదామినీ విచిత్రచిత్రకారిణీ |
ప్రచండశత్రుధర్షిణీ దయాప్రవాహవర్షిణీ
సదా సుభాగ్యదాయినీ శివం తనోతు పార్వతీ || 2 ||
ప్రకృష్టసృష్టికారికా ప్రచండనృత్యనర్తికా
పినాకపాణిధారికా గిరీశశృంగమాలికా |
సమస్తభక్తపాలికా పీయూషపూర్ణవర్షికా
కుభాగ్యరేఖమార్జికా శివం తనోతు పార్వతీ || 3 ||
తపశ్చరీ కుమారికా జగత్పరా ప్రహేలికా
విశుద్ధభావసాధికా సుధాసరిత్ప్రవాహికా
ప్రయత్నపక్షపోషికా సదార్తిభావతోషికా
శనిగ్రహాదితర్జికా శివం తనోతు పార్వతీ || 4 ||
శుభంకరీ శివంకరీ విభాకరీ నిశాచరీ
నభశ్చరీ ధరాచరీ సమస్తసృష్టిసంచరీ |
తమోహరీ మనోహరీ మృగాంకమౌలిసుందరీ
సదోగ్రతాపసంచరీ శివం తనోతు పార్వతీ || 5 ||
పార్వతీ పంచకం నిత్యం ధీయతే యా కుమారికా
దుష్కృతం నిఖిలం హత్వా వరం ప్రాప్నోతి సుందరం |
హే గౌరీ శంకరార్ధాంగీ యథా త్వం శంకరప్రియా
తథా మాం కురు కళ్యాణీ కాంత కాంతాం సుదుర్లభాం || 6 ||