Sri Guru Paduka Mahatmya Stotram pdf download – శ్రీ గురుపాదుకా మాహాత్ంయ స్తోత్రం

శ్రీదేవ్యువాచ |
కులేశ శ్రోతుమిచ్ఛామి పాదుకా భక్తిలక్షణం |
ఆచారమపి దేవేశ వద మే కరుణానిధే || 1 ||
ఈశ్వర ఉవాచ |
శృణు దేవి ప్రవక్ష్యామి యన్మాం త్వం పరిపృచ్ఛసి |
తస్య శ్రవణమాత్రేణ భక్తిరాశు ప్రజాయతే || 2 ||
వాగ్భవా మూలవలయే సూత్రాద్యాః కవలీకృతాః |
ఏవం కులార్ణవే జ్ఞానం పాదుకాయాం ప్రతిష్ఠితం || 3 ||
కోటికోటిమహాదానాత్ కోటికోటిమహావ్రతాత్ |
కోటికోటిమహాయజ్ఞాత్ పరా శ్రీపాదుకాస్మృతిః || 4 ||
కోటికోటిమంత్రజాపాత్ కోటితీర్థావగాహనాత్ |
కోటిదేవార్చనాద్దేవి పరా శ్రీపాదుకాస్మృతిః || 5 ||
మహారోగే మహోత్పాతే మహాదోషే మహాభయే |
మహాపది మహాపాపే స్మృతా రక్షతి పాదుకా || 6 ||
దురాచారే దురాలాపే దుఃసంగే దుష్ప్రతిగ్రహే |
దురాహారే చ దుర్బుద్ధౌ స్మృతా రక్షతి పాదుకా || 7 ||
తేనాధీతం స్మృతం జ్ఞాతం ఇష్టం దత్తం చ పూజితం |
జిహ్వాగ్రే వర్తతే యస్య సదా శ్రీపాదుకాస్మృతిః || 8 ||
సకృత్ శ్రీపాదుకాం దేవి యో వా జపతి భక్తితః |
స సర్వపాపరహితః ప్రాప్నోతి పరమాం గతిం || 9 ||
శుచిర్వాప్యశుచిర్వాపి భక్త్యా స్మరతి పాదుకాం |
అనాయాసేన ధర్మార్థకామమోక్షాన్ లభేత సః || 10 ||
శ్రీనాథచరణాంభోజం యస్యాం దిశి విరాజతే |
తస్యాం దిశి నమస్కుర్యాత్ భక్త్యా ప్రతిదినం ప్రియే || 11 ||
న పాదుకాపరో మంత్రో న దేవః శ్రీగురోః పరః |
న హి శాస్త్రాత్ పరం జ్ఞానం న పుణ్యం కులపూజనాత్ || 12 ||
ధ్యానమూలం గురోర్మూర్తిః పూజామూలం గురోః పరం |
మంత్రమూలం గురోర్వాక్యం మోక్షమూలం గురోః కృపా || 13 ||
గురుమూలాః క్రియాః సర్వా లోకేఽస్మిన్ కులనాయికే |
తస్మాత్ సేవ్యో గురుర్నిత్యం సిద్ధ్యర్థం భక్తిసంయుతైః || 14 ||
ఇతి కులార్ణవతంత్రే ద్వాదశోల్లాసే ఈశ్వరపార్వతీ సంవాదే శ్రీగురుపాదుకా మాహాత్ంయ స్తోత్రం ||