గిరీంద్రరాజబాలికాం దినేశతుల్యరూపికాం |
ప్రవాలజాప్యమాలికాం భజామి దైత్యమర్దికాం || 1 ||
నిశేశమౌలిధారికాం నృముండపంక్తిశోభికాం |
నవీనయౌవనాఖ్యకాం స్మరామి పాపనాశికాం || 2 ||
భవార్ణవాత్తు తారికాం భవేన సార్ధఖేలికాం |
కుతర్కకర్మభంజికాం నమామి ప్రౌఢరూపికాం || 3 ||
స్వరూపరూపకాలికాం స్వయం స్వయంభుస్వాత్మికాం |
ఖగేశరాజదండికాం అఈకరాం సుబీజకాం || 4 ||
శ్మశానభూమిశాయికాం విశాలభీతివారిణీం |
తుషారతుల్యవాచికాం సనింనతుంగనాభికాం || 5 ||
సుపట్టవస్త్రసాజికాం సుకింకిణీవిరాజితాం |
సుబుద్ధిబుద్ధిదాయికాం సురా సదా సుపీయకాం || 6 ||
సక్లీం ససౌః ససర్గకాం సనాతనేశ చాంబికాం |
ససృష్టిపాలనాశికాం ప్రణౌమి దీర్ఘకేశకాం || 7 ||
సహస్రమార్గపాలికా పరాపరాత్మభవ్యకాం |
సుచారుచారువక్త్రకా శివం దదాతు భద్రికా || 8 ||
ఇత్యేతత్పరమం గుహ్యం పంచచామరసంజ్ఞకం |
బాలాగ్రే యః పఠతి చ తస్య సిద్ధిర్భవేద్ధ్రువం || 9 ||
యం యం చింతయతే కామం తం తం ప్రాప్నోతి సాధకః |
సిద్ధిః కరతలే తస్య మృతే మోక్షమవాప్నుయాత్ || 10 ||