జగత్పూజ్యే జగద్వంద్యే సర్వశక్తిస్వరూపిణి |
పూజాం గృహాణ కౌమారి జగన్మాతర్నమోఽస్తు తే || 1 ||
త్రిపురాం త్రిగుణాధారాం త్రివర్గజ్ఞానరూపిణీం |
త్రైలోక్యవందితాం దేవీం త్రిమూర్తిం పూజయాంయహం || 2 ||
కలాత్మికాం కలాతీతాం కారుణ్యహృదయాం శివాం |
కల్యాణజననీం దేవీం కల్యాణీం పూజయాంయహం || 3 ||
అణిమాదిగుణాధరామకారాద్యక్షరాత్మికాం |
అనంతశక్తికాం లక్ష్మీం రోహిణీం పూజయాంయహం || 4 ||
కామచారీం శుభాం కాంతాం కాలచక్రస్వరూపిణీం |
కామదాం కరుణోదారాం కాలికాం పూజయాంయహం || 5 ||
చండవీరాం చండమాయాం చండముండప్రభంజినీం |
పూజయామి సదా దేవీం చండికాం చండవిక్రమాం || 6 ||
సదానందకరీం శాంతాం సర్వదేవనమస్కృతాం |
సర్వభూతాత్మికాం లక్ష్మీం శాంభవీం పూజయాంయహం || 7 ||
దుర్గమే దుస్తరే కార్యే భవదుఃఖవినాశినీం |
పూజయామి సదా భక్త్యా దుర్గాం దుర్గార్తినాశినీం || 8 ||
సుందరీం స్వర్ణవర్ణాభాం సుఖసౌభాగ్యదాయినీం |
సుభద్రజననీం దేవీం సుభద్రాం పూజయాంయహం || 9 ||