తపోయజ్ఞదానాదిభిశ్శుద్ధబుద్ధి-
ర్విరక్తోగ్రజాతిః పరే తుచ్ఛ బుద్ధ్యా |
పరిత్యజ్య సర్వం యదాప్నోతి తత్త్వం
పరం బ్రహ్మ నిత్యం తదేవాహమస్మి || 1 ||
దయాళుం గురుం బ్రహ్మనిష్ఠం ప్రశాంతం
సమారాధ్య భక్త్యా విచార్య స్వరూపం |
యదాప్నోతి తత్త్వం నిదిధ్యస్య విద్వాన్
పరం బ్రహ్మ నిత్యం తదేవాహమస్మి || 2 ||
యదానందరూపప్రకాశస్వరూపం
నిరస్త ప్రపంచం పరిచ్ఛేద శూన్యం |
అహం బ్రహ్మవృత్తైకగంయం తురీయం
పరం బ్రహ్మ నిత్యం తదేవాహమస్మి || 3 ||
యదజ్ఞానతో భాతి విశ్వం సమస్తం
ప్రణష్టం చ సద్యో యదాత్మప్రబోధే |
మనోవాగతీతం విశుద్ధం విముక్తం
పరం బ్రహ్మ నిత్యం తదేవాహమస్మి || 4 ||
అనంతం విభుం నిర్వికల్పం నిరీహం
శివం సంగహీనం యదోంకారగంయం |
నిరాకారమత్యుజ్జ్వలం మృత్యుహీనం
పరం బ్రహ్మ నిత్యం తదేవాహమస్మి || 5 ||
నిషేధే కృతే నేతి నేతీతి వాక్యై-
స్సమాధిస్థితానాం యదా భాతి పూర్ణం |
అవస్థాత్రయాతీతమద్వైతమేకం
పరం బ్రహ్మ నిత్యం తదేవాహమస్మి || 6 ||
యదానన్దలేశైస్సదానన్ది విశ్వం
యదా భాతి చాన్యత్తథా భాతి సర్వం |
యదాలోచనే హేయమన్యత్సమస్తం
పరం బ్రహ్మ నిత్యం తదేవాహమస్మి || 7 ||
యదానన్దసిన్ధౌ నిమగ్నః పుమాన్స్యా-
దవిద్యావిలాసస్సమస్త ప్రపంచః |
తదా న స్ఫురత్యద్భుతం యన్నిమిత్తం
పరం బ్రహ్మ నిత్యం తదేవాహమస్మి || 8 ||
స్వరూపానుసన్ధానరూపస్తుతిం యః
పఠేదాదరాద్భక్తిభావో మనుష్యః |
శృణోతీహ వా నిత్యముద్యుక్త చిత్తో
భవేద్విష్ణురత్రైవ వేద ప్రమాణాత్ || 9 ||
విజ్ఞాననౌకాం పరిగృహ్య కశ్చి-
త్తరేద్యదజ్ఞానమయం భవాబ్ధిం |
జ్ఞానాంభసా యః పరిహృత్య తృష్ణాం
విష్ణోః పదం యాతి స ఏవ ధన్యః || 10 ||
ఇతి శ్రీమత్పరమహంసపరివ్రాజక శ్రీమచ్ఛంకరభగవత్పాదాచార్య విరచితం విజ్ఞాననౌకాష్టకం ||
Vignana Nauka Ashtakam pdf download – విజ్ఞాననౌకాష్టకం
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
