Mayuresha Stotram pdf download – మయూరేశ స్తోత్రం

బ్రహ్మోవాచ |
పురాణపురుషం దేవం నానాక్రీడాకరం ముదా |
మాయావినం దుర్విభావ్యం మయూరేశం నమాంయహం || 1 ||
పరాత్పరం చిదానందం నిర్వికారం హృది స్థితం |
గుణాతీతం గుణమయం మయూరేశం నమాంయహం || 2 ||
సృజంతం పాలయంతం చ సంహరంతం నిజేచ్ఛయా |
సర్వవిఘ్నహరం దేవం మయూరేశం నమాంయహం || 3 ||
నానాదైత్యనిహంతారం నానారూపాణి బిభ్రతం |
నానాయుధధరం భక్త్యా మయూరేశం నమాంయహం || 4 ||
ఇంద్రాదిదేవతావృందైరభిష్టుతమహర్నిశం |
సదసద్వ్యక్తమవ్యక్తం మయూరేశం నమాంయహం || 5 ||
సర్వశక్తిమయం దేవం సర్వరూపధరం విభుం |
సర్వవిద్యాప్రవక్తారం మయూరేశం నమాంయహం || 6 ||
పార్వతీనందనం శంభోరానందపరివర్ధనం |
భక్తానందకరం నిత్యం మయూరేశం నమాంయహం || 7 ||
మునిధ్యేయం మునినుతం మునికామప్రపూరకం |
సమష్టివ్యష్టిరూపం త్వాం మయూరేశం నమాంయహం || 8 ||
సర్వాజ్ఞాననిహంతారం సర్వజ్ఞానకరం శుచిం |
సత్యజ్ఞానమయం సత్యం మయూరేశం నమాంయహం || 9 ||
అనేకకోటిబ్రహ్మాండనాయకం జగదీశ్వరం |
అనంతవిభవం విష్ణుం మయూరేశం నమాంయహం || 10 ||
మయూరేశ ఉవాచ |
ఇదం బ్రహ్మకరం స్తోత్రం సర్వపాపప్రనాశనం |
సర్వకామప్రదం నౄణాం సర్వోపద్రవనాశనం || 11 ||
కారాగృహగతానాం చ మోచనం దినసప్తకాత్ |
ఆధివ్యాధిహరం చైవ భుక్తిముక్తిప్రదం శుభం || 12 ||