Sri Bala Kavacham 2 (Rudrayamale) pdf download – శ్రీ బాలా కవచం –2 (రుద్రయామలే)

శ్రీపార్వత్యువాచ |
దేవదేవ మహాదేవ శంకర ప్రాణవల్లభ |
కవచం శ్రోతుమిచ్ఛామి బాలాయా వద మే ప్రభో || 1 ||
శ్రీమహేశ్వర ఉవాచ |
శ్రీబాలాకవచం దేవి మహాప్రాణాధికం పరం |
వక్ష్యామి సావధానా త్వం శృణుష్వావహితా ప్రియే || 2 ||
అథ ధ్యానం |
అరుణకిరణజాలైః రంజితాశావకాశా
విధృతజపవటీకా పుస్తకాభీతిహస్తా |
ఇతరకరవరాఢ్యా ఫుల్లకహ్లారసంస్థా
నివసతు హృది బాలా నిత్యకల్యాణశీలా ||
అథ కవచం |
వాగ్భవః పాతు శిరసి కామరాజస్తథా హృది |
శక్తిబీజం సదా పాతు నాభౌ గుహ్యే చ పాదయోః || 1 ||
ఐం క్లీం సౌః వదనే పాతు బాలా మాం సర్వసిద్ధయే |
హసకలహ్రీం సౌః పాతు స్కంధే భైరవీ కంఠదేశతః || 2 ||
సుందరీ నాభిదేశేఽవ్యాచ్చర్చే కామకలా సదా |
భ్రూనాసయోరంతరాలే మహాత్రిపురసుందరీ || 3 ||
లలాటే సుభగా పాతు భగా మాం కంఠదేశతః |
భగోదయా తు హృదయే ఉదరే భగసర్పిణీ || 4 ||
భగమాలా నాభిదేశే లింగే పాతు మనోభవా |
గుహ్యే పాతు మహావీరా రాజరాజేశ్వరీ శివా || 5 ||
చైతన్యరూపిణీ పాతు పాదయోర్జగదంబికా |
నారాయణీ సర్వగాత్రే సర్వకార్య శుభంకరీ || 6 ||
బ్రహ్మాణీ పాతు మాం పూర్వే దక్షిణే వైష్ణవీ తథా |
పశ్చిమే పాతు వారాహీ హ్యుత్తరే తు మహేశ్వరీ || 7 ||
ఆగ్నేయ్యాం పాతు కౌమారీ మహాలక్ష్మీశ్చ నిరృతౌ |
వాయవ్యాం పాతు చాముండా చేంద్రాణీ పాతు చైశకే || 8 ||
జలే పాతు మహామాయా పృథివ్యాం సర్వమంగళా |
ఆకాశే పాతు వరదా సర్వతో భువనేశ్వరీ || 9 ||
ఇదం తు కవచం నామ దేవానామపి దుర్లభం |
పఠేత్ప్రాతః సముత్థాయ శుచిః ప్రయతమానసః || 10 ||
నామయో వ్యాధయస్తస్య న భయం చ క్వచిద్భవేత్ |
న చ మారీభయం తస్య పాతకానాం భయం తథా || 11 ||
న దారిద్ర్యవశం గచ్ఛేత్తిష్ఠేన్మృత్యువశే న చ |
గచ్ఛేచ్ఛివపురం దేవి సత్యం సత్యం వదాంయహం || 12 ||
యదిదం కవచం జ్ఞాత్వా శ్రీబాలాం యో జపేచ్ఛివే |
స ప్రాప్నోతి ఫలం సర్వం శివసాయుజ్యసంభవం || 13 ||
ఇతి శ్రీరుద్రయామలే శ్రీ బాలా కవచం |