Sri Vishwakarma Ashtakam 3 pdf download – శ్రీ విశ్వకర్మాష్టకం

శ్రీకరార్చిత సత్యశాశ్వత లోకనిర్మిత నిర్జరా
పాకశాసనపద్మజాది సురాసురార్చిత భాస్కరా |
ఏకమేవ బ్రహ్మమూర్తి పినాకసంస్థిత శంకరా
శోకవర్జిత శంభునామక విశ్వకర్మ జగత్ప్రభో || 1 ||
సర్వనాయక సర్వదాయక సర్వసాక్షి మహేశ్వరా
సర్వరాజిత సర్వపూజిత సర్వకార్య ధురంధరా |
సర్వశిక్షక సర్వభక్షక సర్వరక్షక శ్రీకరా
సర్వసద్గుణ సర్వనామక విశ్వకర్మ జగత్ప్రభో || 2 ||
స్వర్ణరూప సువర్ణలోక సమస్తకాంతి మనోహరా
వర్ణరాజిత వర్ణవర్జిత వర్ణరాజ విధాకరా |
వర్ణవాచక వర్ణసంభవ వర్ణవేదజటాధరా
వర్ణవర్ణాతీత వర్ణన విశ్వకర్మ జగత్ప్రభో || 3 ||
మంత్రవిగ్రహ మంత్రసంగ్రహ మంత్రమాయజ సంహరా
మంత్రచేతన మంత్రనూతన మంత్రసంశయ శేఖరా |
మంత్రరాజిత మంత్రపూజిత వేదవేద్య విశారదా
మంత్రబంధుర మంత్రనామక విశ్వకర్మ జగత్ప్రభో || 4 ||
హారఘోర విదారదూర శ్రమణ నిస్వన మంజులా
ధీరవార్ధి గభీరమాయా మంద్రితాశ్రిత చిత్కళా |
సూరిత్వష్టృ విహారకల్ప విచారకారణ సత్ఫలా
మేరు నిర్మిత మేరునామక విశ్వకర్మ జగత్ప్రభో || 5 ||
విశ్వచారణ విశ్వపూరిత విశ్వధారణ నిశ్చయా
విశ్వభూషణ విశ్వతోరణ విశ్వపోషణ విస్మయా |
విశ్వతారణ విశ్వకారణ విశ్వధారణ లీలయా
విశ్వహారణ విశ్వనామక విశ్వకర్మ జగత్ప్రభో || 6 ||
మంగళాకర మంగళాధర మంగళాసన పంచకా
మంగళస్థిత మంగళప్రద మంగళాంగ విరాజితా |
మంగళాయత భీషదాయక మంగళాకర నామకా
మంగళాయజ తుంగనామక విశ్వకర్మ జగత్ప్రభో || 7 ||
కల్పపావన కల్పజీవన కల్పభావ నమోస్తు తే
కల్పపాలన కల్పఖేలన కల్పజాజ్ఞ నమోస్తు తే |
కల్పనాకృత కల్పసంయుత కల్పకల్ప నమోస్తు తే
కల్పితాండజ కల్పనామక విశ్వకర్మ జగత్ప్రభో || 8 ||