Sri Vindhyavasini (Vindhyeshwari) Stotram pdf download – శ్రీ వింధ్యవాసినీ స్తోత్రం

నిశుంభశుంభమర్దినీం ప్రచండముండఖండనీం |
వనే రణే ప్రకాశినీం భజామి వింధ్యవాసినీం || 1 ||
త్రిశూలముండధారిణీం ధరావిఘాతహారిణీం |
గృహే గృహే నివాసినీం భజామి వింధ్యవాసినీం || 2 ||
దరిద్రదుఃఖహారిణీం సతాం విభూతికారిణీం |
వియోగశోకహారిణీం భజామి వింధ్యవాసినీం || 3 ||
లసత్సులోలలోచనాం జనే సదా వరప్రదాం |
కపాలశూలధారిణీం భజామి వింధ్యవాసినీం || 4 ||
కరే ముదా గదాధరీం శివా శివప్రదాయినీం |
వరాం వరాననాం శుభాం భజామి వింధ్యవాసినీం || 5 ||
ఋషీంద్రజామినీప్రదాం త్రిధాస్వరూపధారిణీం |
జలే స్థలే నివాసినీం భజామి వింధ్యవాసినీం || 6 ||
విశిష్టసృష్టికారిణీం విశాలరూపధారిణీం |
మహోదరే విలాసినీం భజామి వింధ్యవాసినీం || 7 ||
పురందరాదిసేవితాం మురాదివంశఖండనీం |
విశుద్ధబుద్ధికారిణీం భజామి వింధ్యవాసినీం || 8 ||