శ్రీవేంకటాద్రిధామా భూమా భూమాప్రియః కృపాసీమా |
నిరవధికనిత్యమహిమా భవతు జయీ ప్రణతదర్శితప్రేమా || 1 ||
జయ జనతా విమలీకృతిసఫలీకృతసకలమంగళాకార |
విజయీ భవ విజయీ భవ విజయీ భవ వేంకటాచలాధీశ || 2 ||
కమనీయమందహసితం కంచన కందర్పకోటిలావణ్యం |
పశ్యేయమంజనాద్రౌ పుంసాం పూర్వతనపుణ్యపరిపాకం || 3 ||
మరతకమేచకరుచినా మదనాజ్ఞాగంధిమధ్యహృదయేన |
వృషశైలమౌలిసుహృదా మహసా కేనాపి వాసితం జ్ఞేయం || 4 ||
పత్యై నమో వృషాద్రేః కరయుగపరికర్మశంఖచక్రాయ |
ఇతరకరకమలయుగళీదర్శిత-కటిబంధదానముద్రాయ || 5 ||
సాంరాజ్యపిశునమకుటీసుఘటలలాటాత్ సుమంగలా పాంగాత్ |
స్మితరుచిఫుల్లకపోలాదపరో న పరోఽస్తి వేంకటాద్రీశాత్ || 6 ||
సర్వాభరణవిభూషితదివ్యావయవస్య వేంకటాద్రిపతేః |
పల్లవపుష్పవిభూషితకల్పతరోశ్చాపి కా భిదా దృష్టా || 7 ||
లక్ష్మీలలితపదాంబుజలాక్షారసరంజితాయతోరస్కే |
శ్రీవేంకటాద్రినాథే నాథే మమ నిత్యమర్పితో భారః || 8 ||
ఆర్యావృత్తసమేతా సప్తవిభక్తిర్వృషాద్రినాథస్య |
వాదీంద్రభీకృదాఖ్యైరార్యై రచితా జయత్వియం సతతం || 9 ||
ఇతి శ్రీవేంకటేశవిజయార్యాసప్తవిభక్తి స్తోత్రం సంపూర్ణం |
Sri Venkatesa Vijayaarya Sapta Vibhakti Stotram pdf download – శ్రీ వేంకటేశ విజయార్యా సప్తవిభక్తి స్తోత్రం
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
