Sri Surya Ashtottara Shatanama Stotram 1 pdf download – శ్రీ సూర్య అష్టోత్తరశతనామ స్తోత్రం –1

అరుణాయ శరణ్యాయ కరుణారససింధవే |
అసమానబలాయాఽఽర్తరక్షకాయ నమో నమః || 1 ||
ఆదిత్యాయాఽఽదిభూతాయ అఖిలాగమవేదినే |
అచ్యుతాయాఽఖిలజ్ఞాయ అనంతాయ నమో నమః || 2 ||
ఇనాయ విశ్వరూపాయ ఇజ్యాయైంద్రాయ భానవే |
ఇందిరామందిరాప్తాయ వందనీయాయ తే నమః || 3 ||
ఈశాయ సుప్రసన్నాయ సుశీలాయ సువర్చసే |
వసుప్రదాయ వసవే వాసుదేవాయ తే నమః || 4 ||
ఉజ్జ్వలాయోగ్రరూపాయ ఊర్ధ్వగాయ వివస్వతే |
ఉద్యత్కిరణజాలాయ హృషీకేశాయ తే నమః || 5 ||
ఊర్జస్వలాయ వీరాయ నిర్జరాయ జయాయ చ |
ఊరుద్వయాభావరూపయుక్తసారథయే నమః || 6 ||
ఋషివంద్యాయ రుగ్ఘంత్రే ఋక్షచక్రచరాయ చ |
ఋజుస్వభావచిత్తాయ నిత్యస్తుత్యాయ తే నమః || 7 ||
ౠకారమాతృకావర్ణరూపాయోజ్జ్వలతేజసే |
ౠక్షాధినాథమిత్రాయ పుష్కరాక్షాయ తే నమః || 8 ||
లుప్తదంతాయ శాంతాయ కాంతిదాయ ఘనాయ చ |
కనత్కనకభూషాయ ఖద్యోతాయ నమో నమః || 9 ||
లూనితాఖిలదైత్యాయ సత్యానందస్వరూపిణే |
అపవర్గప్రదాయాఽఽర్తశరణ్యాయ నమో నమః || 10 ||
ఏకాకినే భగవతే సృష్టిస్థిత్యంతకారిణే |
గుణాత్మనే ఘృణిభృతే బృహతే బ్రహ్మణే నమః || 11 ||
ఐశ్వర్యదాయ శర్వాయ హరిదశ్వాయ శౌరయే |
దశదిక్సంప్రకాశాయ భక్తవశ్యాయ తే నమః || 12 ||
ఓజస్కరాయ జయినే జగదానందహేతవే |
జన్మమృత్యుజరావ్యాధివర్జితాయ నమో నమః || 13 ||
[పాఠభేదః – ఔన్నత్యపదసంచారరథస్థాయాఽఽత్మరూపిణే | *] ఔచ్చ్యస్థానసమారూఢరథస్థాయాఽసురారయే |
కమనీయకరాయాఽబ్జవల్లభాయ నమో నమః || 14 ||
అంతర్బహిఃప్రకాశాయ అచింత్యాయాఽఽత్మరూపిణే |
అచ్యుతాయాఽమరేశాయ పరస్మై జ్యోతిషే నమః || 15 || [సురేశాయ] అహస్కరాయ రవయే హరయే పరమాత్మనే |
తరుణాయ వరేణ్యాయ గ్రహాణాం పతయే నమః || 16 ||
ఓం నమో భాస్కరాయాఽఽదిమధ్యాంతరహితాయ చ |
సౌఖ్యప్రదాయ సకలజగతాం పతయే నమః || 17 ||
నమః సూర్యాయ కవయే నమో నారాయణాయ చ |
నమో నమః పరేశాయ తేజోరూపాయ తే నమః || 18 ||
ఓం శ్రీం హిరణ్యగర్భాయ ఓం హ్రీం సంపత్కరాయ చ |
ఓం ఐం ఇష్టార్థదాయాఽనుప్రసన్నాయ నమో నమః || 19 ||
శ్రీమతే శ్రేయసే భక్తకోటిసౌఖ్యప్రదాయినే |
నిఖిలాగమవేద్యాయ నిత్యానందాయ తే నమః || 20 ||
ఇత్యథర్వణరహస్యే శ్రీ సూర్య అష్టోత్తరశతనామ స్తోత్రం |