Sri Divakara Panchakam pdf download – శ్రీ దివాకర పంచకం

అతుల్యవీర్యముగ్రతేజసం సురం
సుకాంతిమింద్రియప్రదం సుకాంతిదం |
కృపారసైకపూర్ణమాదిరూపిణం
దివాకరం సదా భజే సుభాస్వరం || 1 ||
ఇనం మహీపతిం చ నిత్యసంస్తుతం
కలాసువర్ణభూషణం రథస్థితం |
అచింత్యమాత్మరూపిణం గ్రహాశ్రయం
దివాకరం సదా భజే సుభాస్వరం || 2 ||
ఉషోదయం వసుప్రదం సువర్చసం
విదిక్ప్రకాశకం కవిం కృపాకరం |
సుశాంతమూర్తిమూర్ధ్వగం జగజ్జ్వలం
దివాకరం సదా భజే సుభాస్వరం || 3 ||
ఋషిప్రపూజితం వరం వియచ్చరం
పరం ప్రభుం సరోరుహస్య వల్లభం |
సమస్తభూమిపం చ తారకాపతిం
దివాకరం సదా భజే సుభాస్వరం || 4 ||
గ్రహాధిపం గుణాన్వితం చ నిర్జరం
సుఖప్రదం శుభాశయం భయాపహం |
హిరణ్యగర్భముత్తమం చ భాస్కరం
దివాకరం సదా భజే సుభాస్వరం || 5 ||