సాంబ ఉవాచ |
ఆదిదేవ నమస్తుభ్యం ప్రసీద మమ భాస్కర |
దివాకర నమస్తుభ్యం ప్రభాకర నమోఽస్తు తే || 1 ||
సప్తాశ్వరథమారూఢం ప్రచండం కశ్యపాత్మజం |
శ్వేతపద్మధరం దేవం తం సూర్యం ప్రణమాంయహం || 2 ||
లోహితం రథమారూఢం సర్వలోకపితామహం |
మహాపాపహరం దేవం తం సూర్యం ప్రణమాంయహం || 3 ||
త్రైగుణ్యం చ మహాశూరం బ్రహ్మవిష్ణుమహేశ్వరం |
మహాపాపహరం దేవం తం సూర్యం ప్రణమాంయహం || 4 ||
బృంహితం తేజసాం పుంజం వాయుమాకాశమేవ చ |
ప్రభుం చ సర్వలోకానాం తం సూర్యం ప్రణమాంయహం || 5 ||
బంధూకపుష్పసంకాశం హారకుండలభూషితం |
ఏకచక్రరథం దేవం తం సూర్యం ప్రణమాంయహం || 6 || [ధరం] తం సూర్యం జగత్కర్తారం మహాతేజఃప్రదీపనం |
మహాపాపహరం దేవం తం సూర్యం ప్రణమాంయహం || 7 ||
తం సూర్యం జగతాం నాథం జ్ఞానవిజ్ఞానమోక్షదం |
మహాపాపహరం దేవం తం సూర్యం ప్రణమాంయహం || 8 ||
సూర్యాష్టకం పఠేన్నిత్యం గ్రహపీడాప్రణాశనం |
అపుత్రో లభతే పుత్రం దరిద్రో ధనవాన్భవేత్ || 9 ||
ఆమిషం మధుపానం చ యః కరోతి రవేర్దినే |
సప్తజన్మ భవేద్రోగీ జన్మజన్మ దరిద్రతా || 10 ||
స్త్రీతైలమధుమాంసాని యే త్యజంతి రవేర్దినే |
న వ్యాధిః శోకదారిద్ర్యం సూర్యలోకం స గచ్ఛతి || 11 ||