Sri Radha Kavacham pdf download – శ్రీ రాధా కవచం

పార్వత్యువాచ |
కైలాస వాసిన్ భగవన్ భక్తానుగ్రహకారక |
రాధికా కవచం పుణ్యం కథయస్వ మమ ప్రభో || 1 ||
యద్యస్తి కరుణా నాథ త్రాహి మాం దుఃఖతో భయాత్ |
త్వమేవ శరణం నాథ శూలపాణే పినాకధృత్ || 2 ||
శివ ఉవాచ |
శృణుష్వ గిరిజే తుభ్యం కవచం పూర్వసూచితం |
సర్వరక్షాకరం పుణ్యం సర్వహత్యాహరం పరం || 3 ||
హరిభక్తిప్రదం సాక్షాద్భుక్తిముక్తిప్రసాధనం |
త్రైలోక్యాకర్షణం దేవి హరిసాన్నిధ్యకారకం || 4 ||
సర్వత్ర జయదం దేవి సర్వశత్రుభయావహం |
సర్వేషాం చైవ భూతానాం మనోవృత్తిహరం పరం || 5 ||
చతుర్ధా ముక్తిజనకం సదానందకరం పరం |
రాజసూయాశ్వమేధానాం యజ్ఞానాం ఫలదాయకం || 6 ||
ఇదం కవచమజ్ఞాత్వా రాధామంత్రం చ యో జపేత్ |
స నాప్నోతి ఫలం తస్య విఘ్నాస్తస్య పదే పదే || 7 ||
ఋషిరస్య మహాదేవోఽనుష్టుప్ ఛందశ్చ కీర్తితం |
రాధాఽస్య దేవతా ప్రోక్తా రాం బీజం కీలకం స్మృతం || 8 ||
ధర్మార్థకామమోక్షేషు వినియోగః ప్రకీర్తితః |
శ్రీరాధా మే శిరః పాతు లలాటం రాధికా తథా || 9 ||
శ్రీమతీ నేత్రయుగళం కర్ణౌ గోపేంద్రనందినీ |
హరిప్రియా నాసికాం చ భ్రూయుగం శశిశోభనా || 10 ||
ఓష్ఠం పాతు కృపాదేవీ అధరం గోపికా తథా |
వృషభానుసుతా దంతాంశ్చిబుకం గోపనందినీ || 11 ||
చంద్రావలీ పాతు గండం జిహ్వాం కృష్ణప్రియా తథా |
కంఠం పాతు హరిప్రాణా హృదయం విజయా తథా || 12 ||
బాహూ ద్వౌ చంద్రవదనా ఉదరం సుబలస్వసా |
కోటియోగాన్వితా పాతు పాదౌ సౌభద్రికా తథా || 13 ||
నఖాంశ్చంద్రముఖీ పాతు గుల్ఫౌ గోపాలవల్లభా |
నఖాన్ విధుముఖీ దేవీ గోపీ పాదతలం తథా || 14 ||
శుభప్రదా పాతు పృష్ఠం కుక్షౌ శ్రీకాంతవల్లభా |
జానుదేశం జయా పాతు హరిణీ పాతు సర్వతః || 15 ||
వాక్యం వాణీ సదా పాతు ధనాగారం ధనేశ్వరీ |
పూర్వాం దిశం కృష్ణరతా కృష్ణప్రాణా చ పశ్చిమాం || 16 ||
ఉత్తరాం హరితా పాతు దక్షిణాం వృషభానుజా |
చంద్రావలీ నైశమేవ దివా క్ష్వేడితమేఖలా || 17 ||
సౌభాగ్యదా మధ్యదినే సాయాహ్నే కామరూపిణీ |
రౌద్రీ ప్రాతః పాతు మాం హి గోపినీ రజనీక్షయే || 18 ||
హేతుదా సంగవే పాతు కేతుమాలా దివార్ధకే |
శేషాఽపరాహ్ణసమవే శమితా సర్వసంధిషు || 19 ||
యోగినీ భోగసమయే రతౌ రతిప్రదా సదా |
కామేశీ కౌతుకే నిత్యం యోగే రత్నావలీ మమ || 20 ||
సర్వదా సర్వకార్యేషు రాధికా కృష్ణమానసా |
ఇత్యేతత్కథితం దేవి కవచం పరమాద్భుతం || 21 ||
సర్వరక్షాకరం నామ మహారక్షాకరం పరం |
ప్రాతర్మధ్యాహ్నసమయే సాయాహ్నే ప్రపఠేద్యది || 22 ||
సర్వార్థసిద్ధిస్తస్య స్యాద్యన్మనసి వర్తతే |
రాజద్వారే సభాయాం చ సంగ్రామే శత్రుసంకటే || 23 ||
ప్రాణార్థనాశసమయే యః పఠేత్ప్రయతో నరః |
తస్య సిద్ధిర్భవేద్దేవి న భయం విద్యతే క్వచిత్ || 24 ||
ఆరాధితా రాధికా చ తేన సత్యం న సంశయః |
గంగాస్నానాద్ధరేర్నామగ్రహణాద్యత్ఫలం లభేత్ || 25 ||
తత్ఫలం తస్య భవతి యః పఠేత్ప్రయతః శుచిః |
హరిద్రారోచనాచంద్రమండితం హరిచందనం || 26 ||
కృత్వా లిఖిత్వా భూర్జే చ ధారయేన్మస్తకే భుజే |
కంఠే వా దేవదేవేశి స హరిర్నాత్ర సంశయః || 27 ||
కవచస్య ప్రసాదేన బ్రహ్మా సృష్టిం స్థితిం హరిః |
సంహారం చాఽహం నియతం కరోమి కురుతే తథా || 28 ||
వైష్ణవాయ విశుద్ధాయ విరాగగుణశాలినే |
దద్యాత్కవచమవ్యగ్రమన్యథా నాశమాప్నుయాత్ || 29 ||
ఇతి శ్రీనారదపంచరాత్రే జ్ఞానామృతసారే రాధా కవచం |