Sri Panchamukha Hanumath Panjaram pdf download – శ్రీ పంచముఖ హనుమత్ పంజరం

అస్య శ్రీహనుమత్పంజరస్య ఋషిః శ్రీరామచంద్ర భగవానితి చ,
ఛందోఽనుష్టుప్ శ్రీపంచవక్త్రహనుమాన దేవతేతి చ
హ్రాం బీజం స్వాహా శక్తిః ప్రణవో కీలకం స్మృతః
మంత్రోక్త దేవతాప్రసాదసిద్ధ్యర్థే వినియోగః ||
కరన్యాసః –
ఓం హ్రాం రామదూతాయ అంగుష్ఠాభ్యాం నమః |
ఓం హ్రీం వానరముఖాయ తర్జనీభ్యాం నమః |
ఓం హ్రూం వాయునందనాయ మధ్యమాభ్యాం నమః |
ఓం హ్రైం నృసింహముఖాయ అనామికాభ్యాం నమః |
ఓం హ్రౌం అంజనాసూనవే కనిష్ఠికాభ్యాం నమః |
ఓం హ్రః పరాయ కరతలకరపృష్ఠాభ్యాం నమః |
అంగన్యాసః –
ఓం హ్రాం గరుడముఖాయ హృదయాయ నమః |
ఓం హ్రీం హరిమర్కటాయ శిరసే స్వాహా |
ఓం హ్రూం క్రోడముఖాయ శిఖాయై వషట్ |
ఓం హ్రైం రామకార్యధురంధరాయ కవచాయ హుం |
ఓం హ్రౌం అశ్వముఖాయ నేత్రత్రయాయ వౌషట్ |
ఓం హ్రః సర్వరాక్షసనాశనాయ అస్త్రాయ ఫట్ |
ధ్యానం –
ధ్యాయేద్బాలదివాకరద్యుతినిభం దేవారిదర్పాపహం
దేవేంద్రప్రముఖైః ప్రశస్తయశసం దేదీప్యమానం ఋచా |
సుగ్రీవాదిసమస్తవానరయుతం సువ్యక్తతత్త్వప్రియం
సంరక్తారుణలోచనం పవనజం పీతాంబరాలంకృతం ||
పంజరం –
ఆదౌ ప్రణవముచ్చార్యం వందే హరిపదం తతః |
ఉచ్చార్య మర్కటపదం మర్కటాయేతి చోచ్చరేత్ |
అగ్నిజాయాం సముచ్చార్య ద్వాదశార్ణో మహామనుః |
(ఓం హరిమర్కట మర్కటాయ స్వాహా)
శిరః పాతు మమ సదా సర్వసౌఖ్యప్రదాయకః || 1 ||
ఆదౌ ప్రణవముచ్చార్య కపిబీజం తతోచ్చరేత్ |
నృసింహబీజముచ్చార్య గారుడం చ సముచ్చరేత్ |
వరాహబీజముచ్చార్య హయగ్రీవం తతోచ్చరేత్ |
నమః పదం తతోచ్చార్య స పంచాస్య మహాకపేః |
చతుర్దశార్ణమంత్రోఽయం ముఖం పాయాత్ సదా మమ || 2 ||
ఆదౌ ప్రణవముచ్చార్య నమో భగవతే పదం |
పంచవదనాయ చోచ్చార్య పూర్వముఖేతి చోచ్చరేత్ |
వానరం బీజముచ్చార్య కపిముఖాయ చోచ్చరేత్ |
సర్వశత్రుహరాయేతి మహాబలాయ చోచ్చరేత్ |
అగ్నిజాయాం తతోచ్చార్య సప్తత్రింశాక్షరాభిధః |
కంఠం మమ సదా పాతు సర్వశత్రువినాశకః || 3 ||
ఉచ్చార్యం ప్రణవం చాదౌ నమో భగవతేతి చ |
నారసింహ మహాబీజ కరాళపదముచ్చరేత్ |
నృసింహాయ పదం చోక్త్వా సకలభూతప్రేత చ |
పిశాచబ్రహ్మరాక్షసప్రమథనాయ పదం వదేత్ |
అగ్నిజాయాం తతోచ్చార్య వసు వేదార్ణకో మనుః |
హృదయం మే సదా పాతు సర్వశత్రువినాశకః || 4 ||
ఓం నమో భగవతేతి పంచవదనాయ తతః |
పశ్చిమముఖేతి చోచ్చార్య గారుడం బీజముచ్చరేత్ |
వీరగరుడాయ మహాబలాయేతి పదం తతః |
సర్వనాగప్రమథనాయాంతే సకలవిషేతి |
హరాయ స్వాహా త్వం తతః వేదాభ్యక్షరసంయుతః |
హనుమన్మమోదరం పాతు సర్వరోగనిబర్హణః || 5 ||
ఓం నమో భగవతేతి పంచవదనాయ తతః |
ఉత్తరముఖే చోచ్చార్య క్రోడవాగ్బీజముచ్చరేత్ |
ఆదివారాహ సర్వసంపత్ప్రదాయ నిధి భూమి చ |
ప్రదాయ పశ్చాజ్జ్వరేతి రోగనికృంతన స్వాహా |
నాభిం పాతు మమ సదా సుఖసౌభాగ్య హేతుకః |
నేత్ర బాణార్ణకో మనోః పశ్చాత్ప్రణవముచ్చరేత్ || 6 ||
ఓం నమో భగవతే పంచవదనాయ పదం తతః |
ఊర్ధ్వముఖేత్యంతే హయబీజం తతః పరం |
హయగ్రీవాయ సకలప్రదాయ సకలేతి చ |
జనవశీకరణాయ సకల దానవాంతకాయ |
పశ్చాత్ ప్రాజ్ఞాయ స్వాహేతి షట్పంచాశద్వర్ణకో మనుః |
మమ జానుద్వయం పాతు సర్వ రాక్షసనాశకః || 7 ||
ఓం చ హ్రీమిత్యయం చోక్త్వా నమో భగవతే తతః |
బ్రహ్మాస్త్రసంహారకాయ రాక్షసకులనాశయేతి |
పతాక హనుమతేతి మాయాబీజత్రయం తతః |
క్రోడాస్త్ర వహ్నిజాయాం తం మనుః పాదద్వయం మమ || 8 ||
హ్రాం నమః పంచవక్త్రాయ నాభిదేశం సదా మమ |
హ్రీం నమః పంచవక్త్రాయ పాతు జంఘద్వయం మమ |
హ్రూం నమః పంచవక్త్రాయ పాతు జానుద్వయం మమ |
హ్రైం నమః పంచవక్త్రాయ పాదద్వంద్వం సదాఽవతు |
హ్రౌం నమః పంచవక్త్రాయ కటిదేశం సదాఽవతు |
హ్రః నమః పంచవక్త్రాయ చోదరం పాతు సర్వదా || 9 ||
ఐం నమః పంచవక్త్రాయ హృదయం పాతు సర్వదా |
క్లాం నమః పంచవక్త్రాయ బాహుయుగ్మం సదావతు |
క్లీం నమః పంచవక్త్రాయ కరయుగ్మం సదా మమ |
క్లూం నమః పంచవక్త్రాయ కంఠదేశం సదాఽవతు |
క్లైం నమః పంచవక్త్రాయ చుబుకం మే సదాఽవతు |
క్లౌం నమః పంచవక్త్రాయ పాతు చోష్ఠద్వయం మమ |
క్లః నమః పంచవక్త్రాయ నేత్రయుగ్మం సదావతు || 10 ||
రాం నమః పంచవక్త్రాయ శోత్రయుగ్మం సదావతు |
రీం నమః పంచవక్త్రాయ ఫాలం పాతు మహాబలః |
రూం నమః పంచవక్త్రాయ శిరః పాయాత్ సదా మమ |
రైం నమః పంచవక్త్రాయ శిఖాం మమ సదాఽవతు |
రౌం నమః పంచవక్త్రాయ మూర్ధానం పాతు సర్వదా |
రః నమః పంచవక్త్రాయ ముఖం పాతు సదా మమ || 11 ||
క్ష్రాం నమః పంచవక్త్రాయ శ్రోత్రయుగ్మం సదాఽవతు |
క్ష్రీం నమః పంచవక్త్రాయ నేత్రయుగ్మం సదా మమ |
క్ష్రూం నమః పంచవక్త్రాయ పాతు చోష్ఠద్వయం మమ |
క్ష్రైం నమః పంచవక్త్రాయ భ్రూయుగ్మం పాతు సర్వదా |
క్ష్రౌం నమః పంచవక్త్రాయ నాసికాం పాతు సర్వదా |
క్షః నమః పంచవక్త్రాయ కంఠం పాతు కపీశ్వరః || 12 ||
గ్లాం నమః పంచవక్త్రాయ పాతు వక్షస్థలం మమ |
గ్లీం నమః పంచవక్త్రాయ బాహుయుగ్మం సదా మమ |
గ్లూం నమః పంచవక్త్రాయ కరయుగ్మం సదాఽవతు |
గ్లైం నమః పంచవక్త్రాయ మమ పాతు వలిత్రయం |
గ్లౌం నమః పంచవక్త్రాయ చోరదం పాతు సర్వదా |
గ్లః నమః పంచవక్త్రాయ నాభిం పాతు సదా మమ || 13 ||
ఆం నమః పంచవక్త్రాయ వానరాయ కటిం మమ |
ఈం నమః పంచవక్త్రాయ ఊరుయుగ్మం సదాఽవతు |
ఊం నమః పంచవక్త్రాయ జానుద్వంద్వం సదా మమ |
ఐం నమః పంచవక్త్రాయ గుల్ఫద్వంద్వం సదాఽవతు |
ఔం నమః పంచవక్త్రాయ పాదద్వంద్వం సదాఽవతు |
అః నమః పంచవక్త్రాయ సర్వాంగాని సదాఽవతు || 14 ||
వానరః పూర్వతః పాతు దక్షిణే నరకేసరిః |
ప్రతీచ్యాం పాతు గరుడ ఉత్తరే పాతు సూకరః |
ఊర్ధ్వం హయాననః పాతు సర్వతః పాతు మృత్యుహా || 15 ||
వానరః పూర్వతః పాతు ఆగ్నేయ్యాం వాయునందనః |
దక్షిణే పాతు హనుమాన్ నిరృతే కేసరీప్రియః || 16 ||
ప్రతీచ్యాం పాతు దైత్యారిః వాయవ్యాం పాతు మంగళః |
ఉత్తరే రామదాసస్తు నింనం యుద్ధవిశారదః || 17 ||
ఊర్ధ్వే రామసఖః పాతు పాతాళే చ కపీశ్వరః |
సర్వతః పాతు పంచాస్యః సర్వరోగనికృంతనః || 18 ||
హనుమాన్ పూర్వతః పాతు దక్షిణే పవనాత్మజః |
పాతు ప్రతీచిమక్షఘ్నో ఉదీచ్యాం సాగరతారకః || 19 ||
ఊర్ధ్వం కేసరీనందనః పాత్వధస్తాద్విష్ణుభక్తః |
పాతు మధ్యప్రదేశే తు సర్వలంకావిదాహకః |
ఏవం సర్వతో మాం పాతు పంచవక్త్రః సదా కపిః || 20 ||
సుగ్రీవసచివః పాతు మస్తకం మమ సర్వదా |
వాయునందనః ఫాలం మే మహావీరః భ్రూమధ్యమం || 21 ||
నేత్రే ఛాయాపహారీ చ పాతు శ్రోత్రే ప్లవంగమః |
కపోలౌ కర్ణమూలే చ పాతు శ్రీరామకింకరః || 22 ||
నాసాగ్రమంజనాసూనుః పాతు వక్త్రః హరీశ్వరః |
పాతు కంఠం చ దైత్యారిః స్కంధౌ పాతు సురార్చితః || 23 ||
జానౌ పాతు మహాతేజః కూర్పరౌ చరణాయుధః |
నఖాన్ నఖాయుధః పాతు కక్షం పాతు కపీశ్వరః || 24 ||
సీతాశోకాపహారీ తు స్తనౌ పాతు నిరంతరం |
లక్ష్మణప్రాణదాతాఽసౌ కుక్షి పాత్వనిశం మమ || 25 ||
వక్షౌ ముద్రాపహారీ చ పాతు పార్శ్వే భుజాయుధః |
లంఖిణీభంజనః పాతు పృష్ఠదేశే నిరంతరం || 26 ||
నాభిం చ రామదాసస్తు కటిం పాత్వనిలాత్మజః |
గుహ్యం పాతు మహాప్రాజ్ఞః సంధౌ పాతు శివప్రియః || 27 ||
ఊరూ చ జానునీ పాతు లంకాప్రాసాదభంజనః |
జంఘౌ పాతు కపిశ్రేష్ఠః గుల్ఫౌ పాతు మహాబలః || 28 ||
అచలోద్ధారకః పాతు పాదౌ భాస్కరసన్నిభః |
అంగాన్యమితసత్వాఢ్యః పాతు పాదాంగుళిః సదా || 29 ||
సర్వాంగాని మహాశూరః పాతు మాం రోమవాన్ సదా |
భార్యాం పాతు మహాతేజః పుత్రాన్ పాతు నఖాయుధః || 30 ||
పశూన్ పంచాననః పాతు క్షేత్రం పాతు కపీశ్వరః |
బంధూన్ పాతు రఘుశ్రేష్ఠః దాసః పవనసంభవః |
సీతా శోకాపహారీ సః గృహాన్ మమ సదాఽవతు || 31 ||
హనూమత్ పంజరం యస్తు పఠేద్విద్వాన్ విచక్షణః |
స ఏష పురుషశ్రేష్ఠో భక్తి ముక్తిం చ విందతి || 32 ||
కాలత్రయేఽప్యేకకాలే పఠేన్మాసత్రయం నరః |
సర్వశత్రూన్ క్షణే జిత్వా స్వయం చ విజయీ భవేత్ || 33 ||
అర్ధరాత్రౌ జలే స్థిత్వా సప్తవారం పఠేద్యది |
క్షయాపస్మార కుష్ఠాది తాపజ్వరనివారణం || 34 ||
అర్కవారేఽశ్వత్థమూలే స్థిత్వా పఠతి యః పుమాన్ |
స పుమాన్ శ్రియమాప్నోతి సంగ్రామే విజయీ భవేత్ || 35 ||
అనేన మంత్రితం చాపి యః పిబేత్ రోగపీడితః |
స నరో రోగనిర్ముక్తః సుఖీ భవతి నిశ్చయః || 36 ||
యో నిత్యం ధ్యాయేద్యస్తు సర్వమంత్రవినిర్మితం |
తం దృష్ట్వా దేవతాః సర్వే నమస్యంతి కపీశ్వరం || 37 ||
రాక్షసాస్తు పలాయంతే భూతా ధావంతి సర్వతః |
ఇదం పంజరమజ్ఞాత్వా యో జపన్మంత్రనాయకం || 38 ||
న శీఘ్రం ఫలమాప్నోతి సత్యం సత్యం మయోదితం |
త్రికాలమేకకాలం వా పంజరం ధారయేచ్ఛుభం || 39 ||
పంజరం విధివజ్జప్త్వా స్తోత్రైః వేదాంతసంమితైః |
తోషయేదంజనాసూనుం సర్వరాక్షసమర్దనం || 40 ||
ఇతీదం పంజరం యస్తు పంచవక్త్రహనూమతః |
ధారయేత్ శ్రావయేద్వాపి కృతకృత్యో భవేన్నరః || 41 ||
ఇతి శ్రీపరాశరసంహితాయాం శ్రీపరాశరమైత్రేయసంవాదే శ్రీ పంచముఖ హనుమత్ పంజరం నామ చతుః సప్తతితమః పటలః |