Sri Panchamukha Hanumath Pancharatnam pdf download – శ్రీ పంచముఖ హనుమత్ పంచరత్నం

శ్రీరామపాదసరసీరుహభృంగరాజ
సంసారవార్ధిపతితోద్ధరణావతార |
దోఃసాధ్యరాజ్యధనయోషిదదభ్రబుద్ధే
పంచాననేశ మమ దేహి కరావలంబం || 1 ||
ఆప్రాతరాత్రిశకునాథనికేతనాలి-
-సంచారకృత్య పటుపాదయుగస్య నిత్యం |
మానాథసేవిజనసంగమనిష్కృతం నః
పంచాననేశ మమ దేహి కరావలంబం || 2 ||
షడ్వర్గవైరిసుఖకృద్భవదుర్గుహాయా-
-మజ్ఞానగాఢతిమిరాతిభయప్రదాయాం |
కర్మానిలేన వినివేశితదేహధర్తుః
పంచాననేశ మమ దేహి కరావలంబం || 3 ||
సచ్ఛాస్త్రవార్ధిపరిమజ్జనశుద్ధచిత్తా-
-స్త్వత్పాదపద్మపరిచింతనమోదసాంద్రాః |
పశ్యంతి నో విషయదూషితమానసం మాం
పంచాననేశ మమ దేహి కరావలంబం || 4 ||
పంచేంద్రియార్జితమహాఖిలపాపకర్మా
శక్తో న భోక్తుమివ దీనజనో దయాళో |
అత్యంతదుష్టమనసో దృఢనష్టదృష్టేః
పంచాననేశ మమ దేహి కరావలంబం || 5 ||
ఇత్థం శుభం భజకవేంకటపండితేన
పంచాననస్య రచితం ఖలు పంచరత్నం |
యః పాపఠీతి సతతం పరిశుద్ధభక్త్యా
సంతుష్టిమేతి భగవానఖిలేష్టదాయీ || 6 ||
ఇతి శ్రీవేంకటార్యకృత శ్రీ పంచముఖ హనుమత్ పంచరత్నం |