Sri Narasimha Dvatrimshat Beejamala Stotram pdf download – శ్రీ నృసింహ ద్వాత్రింశద్బీజమాలా స్తోత్రం

ఉద్గీతాఢ్యం మహాభీమం త్రినేత్రం చోగ్రవిగ్రహం |
ఉజ్జ్వలం తం శ్రియాజుష్టం శ్రీం క్ష్రౌం హ్రీం నృహరిం భజే || 1 ||
గ్రంథాంత వేద్యం దేవేశం గగనాశ్రయ విగ్రహం |
గర్జనాత్రస్త విశ్వాండం శ్రీం క్ష్రౌం హ్రీం నృహరిం భజే || 2 ||
వీథిహోత్రేక్షణం వీరం విపక్షక్షయదీక్షితం |
విశ్వంబరం విరూపాక్షం శ్రీం క్ష్రౌం హ్రీం నృహరిం భజే || 3 ||
రంగనాథం దయానాథం దీనబంధుం జగద్గురుం |
రణకోలాహలం ధీరం శ్రీం క్ష్రౌం హ్రీం నృహరిం భజే || 4 ||
మంత్రరాజాసనారూఢం మార్తాండోజ్జ్వల తేజసం |
మణిరత్నకిరీటాఢ్యం శ్రీం క్ష్రౌం హ్రీం నృహరిం భజే || 5 ||
హాహాహూహ్వాది గంధర్వైః స్తూయమానపదాంబుజం |
ఉగ్రరూపధరం దేవం శ్రీం క్ష్రౌం హ్రీం నృహరిం భజే || 6 ||
విధివేదప్రదం వీరం విఘ్ననాశం రమాపతిం |
వజ్రఖడ్గధరం ధీరం శ్రీం క్ష్రౌం హ్రీం నృహరిం భజే || 7 ||
విష్ణుశబ్ధదలస్తంభం దుష్టరాక్షసనాశనం |
దుర్నిరీక్షం దురాధర్షం శ్రీం క్ష్రౌం హ్రీం నృహరిం భజే || 8 ||
జ్వలత్పావకసంకాశం జ్వాలామాలాముఖాంబుజం |
దారిద్ర్యనాశనం శ్రీ తం శ్రీం క్ష్రౌం హ్రీం నృహరిం భజే || 9 ||
లం బీజం దేవతానాథం దీర్ఘవృత్త మహాభుజం |
లక్ష్ంయాలింగిత వక్షస్కం శ్రీం క్ష్రౌం హ్రీం నృహరిం భజే || 10 ||
తంత్రీభూజ జగత్కృత్స్నం ధర్మవైకుంఠనాయకం |
మంత్రజాపక సాన్నిధ్యం శ్రీం క్ష్రౌం హ్రీం నృహరిం భజే || 11 ||
సర్వాండకోశమాలాఢ్యం సర్వాండాంతరవాసినం |
అష్టాస్యకంఠభేరండం శ్రీం క్ష్రౌం హ్రీం నృహరిం భజే || 12 ||
తోమరాంకుశ వజ్రాణాం సమదంష్ట్రైర్ముఖైః స్థితం |
శత్రుక్షయకరం వ్యాఘ్రం శ్రీం క్ష్రౌం హ్రీం నృహరిం భజే || 13 ||
మునిమానససంచారం భుక్తిముక్తిఫలప్రదం |
హయాస్యం జ్ఞానదాతారం శ్రీం క్ష్రౌం హ్రీం నృహరిం భజే || 14 ||
కం శబ్ద కంకణోపేతం కమలాయతలోచనం |
సర్వైశ్వర్యప్రదం క్రోడం శ్రీం క్ష్రౌం హ్రీం నృహరిం భజే || 15 ||
నృలోకరక్షణపరం భూతోచ్చాటన తత్పరం |
ఆంజనేయముఖం వీరం శ్రీం క్ష్రౌం హ్రీం నృహరిం భజే || 16 ||
సితవర్ణం దీర్ఘనాసం నాగాభరణభూషితం |
గరుడాస్యం మహాధీరం శ్రీం క్ష్రౌం హ్రీం నృహరిం భజే || 17 ||
ంహం ంహం ంహం శబ్దసహితం మానవారాధనోత్సుకం |
భల్లూకవక్త్రం భీతిఘ్నం శ్రీం క్ష్రౌం హ్రీం నృహరిం భజే || 18 ||
భీమాక్షనాసికోపేతం వేదగ్రహణతత్పరం |
ధరణీధృతముత్సంగం శ్రీం క్ష్రౌం హ్రీం నృహరిం భజే || 19 ||
షడ్వక్త్రపూజితాంఘ్ర్యబ్జం ధృష్టకోద్ధృతమండలం |
కోమలాంగం మహాసత్వం శ్రీం క్ష్రౌం హ్రీం నృహరిం భజే || 20 ||
ణంకారకింకిణీజాలం జ్ఞానమూర్తిం ధరాపతిం |
వరాహాంగం ముదారాంగం శ్రీం క్ష్రౌం హ్రీం నృహరిం భజే || 21 ||
భయఘ్నం సర్వభూతానాం ప్రహ్లాదాభీష్టదాయినం |
నృసింహస్తంభసంబోధ్యం శ్రీం క్ష్రౌం హ్రీం నృహరిం భజే || 22 ||
ద్రవ్యయాంచాపరం విప్రం బలిమానముషం హరిం |
వామనం రూపమాస్థాయ శ్రీం క్ష్రౌం హ్రీం నృహరిం భజే || 23 ||
మృత్యురూపం క్షత్రియాణాం ముగ్ధస్నిగ్ధముఖాంబుజం |
జామదగ్న్యం పరం దేవం శ్రీం క్ష్రౌం హ్రీం నృహరిం భజే || 24 ||
ద్యుం శబ్దయుక్తకోదండం దుష్టరావణమర్దనం |
రామం కమలపత్రాక్షం శ్రీం క్ష్రౌం హ్రీం నృహరిం భజే || 25 ||
మృదంగగీతప్రణవశ్రవణాసక్తమానసం |
బలరామం హలధరం శ్రీం క్ష్రౌం హ్రీం నృహరిం భజే || 26 ||
ద్యుం ద్యుం ద్యుం ద్యుం వేణునాదం బ్రహ్మరుద్రాదిసేవితం |
యశోదాతనయం కృష్ణం శ్రీం క్ష్రౌం హ్రీం నృహరిం భజే || 27 ||
నలినాక్షం అగ్నిరూపం ంలేచ్ఛనాశనతత్పరం |
జ్వాలామాలాపూరితాంగం శ్రీం క్ష్రౌం హ్రీం నృహరిం భజే || 28 ||
మానాయకం మహాసత్వం మమాభీష్టప్రదాయకం |
మద్రక్షణపరం శాంతం శ్రీం క్ష్రౌం హ్రీం నృహరిం భజే || 29 ||
మృత్యుటంకారసంయుక్తం శార్ఙ్గధన్వానమీశ్వరం |
సద్వస్త్రాభరణోపేతం శ్రీం క్ష్రౌం హ్రీం నృహరిం భజే || 30 ||
యన్నామస్మరణాత్ సర్వభూతవేతాలరాక్షసాః |
శత్రవః ప్రలయం యాంతి శ్రీం క్ష్రౌం హ్రీం నృహరిం భజే || 31 ||
హం బీజనాదం సర్వేశం శరణం వరయాంయహం |
ఉపాయభూతం లక్ష్మీశం శ్రీం క్ష్రౌం హ్రీం నృహరిం భజే || 32 ||
ఫలశ్రుతిః |
భరద్వాజకృతం స్తోత్రం మంత్రజార్ణవసంభవం |
సకృత్పఠనమాత్రేణ సర్వదుఃఖవినాశనం || 1 ||
రాజవశ్యం జగద్వశ్యం సర్వవశ్యం భవేద్ధ్రువం |
భూతప్రేతపిశాచాది వ్యాధి దుర్భిక్షతస్కరాః || 2 ||
దూరాదేవ ప్రణశ్యంతి సత్యం సత్యం న సంశయః |
విద్యార్థీ లభతే విద్యాం ధనార్థీ లభతే ధనం || 3 ||
సర్వార్థీ సర్వమాప్నోతి మోక్షార్థీ మోక్షమాప్నుయాత్ |
యం యం కామయతే చిత్తం తం తం ప్రాప్నోతి నిశ్చయం || 4 ||
ఇతి శ్రీభరద్వాజముని కృతం శ్రీ నృసింహ ద్వాత్రింశద్బీజమాలా స్తోత్రం |