Sri Narasimha Ashtakam pdf download – శ్రీ నృసింహాష్టకం

శ్రీమదకలంక పరిపూర్ణ శశికోటి-
-శ్రీధర మనోహర సటాపటల కాంత |
పాలయ కృపాలయ భవాంబుధినిమగ్నం
దైత్యవరకాల నరసింహ నరసింహ || 1 ||
పాదకమలావనత పాతకిజనానాం
పాతకదవానల పతత్రివరకేతో |
భావన పరాయణ భవార్తిహరయా మాం
పాహి కృపయైవ నరసింహ నరసింహ || 2 ||
తుంగనఖపంక్తిదలితాసురవరాసృక్
పంకనవకుంకుమవిపంకిలమహోరః |
పండితనిధాన కమలాలయ నమస్తే
పంకజనిషణ్ణ నరసింహ నరసింహ || 3 ||
మౌళిషు విభూషణమివామర వరాణాం
యోగిహృదయేషు చ శిరః సునిగమానాం |
రాజదరవిందరుచిరం పదయుగం తే
దేహి మమ మూర్ధ్ని నరసింహ నరసింహ || 4 ||
వారిజవిలోచన మదంతిమదశాయాం
క్లేశవివశీకృత సమస్తకరణాయాం |
ఏహి రమయా సహ శరణ్య విహగానాం-
-నాథమధిరుహ్య నరసింహ నరసింహ || 5 ||
హాటకకిరీటవరహారవనమాలా
ధారరశనామకరకుండలమణీంద్రైః |
భూషితమశేషనిలయం తవ వపుర్మే
చేతసి చకాస్తు నరసింహ నరసింహ || 6 ||
ఇందు రవి పావక విలోచన రమాయాః
మందిర మహాభుజలసద్వరరథాంగ |
సుందర చిరాయ రమతాం త్వయి మనో మే
నందిత సురేశ నరసింహ నరసింహ || 7 ||
మాధవ ముకుంద మధుసూదన మురారే
వామన నృసింహ శరణం భవ నతానాం |
కామద ఘృణిన్ నిఖిలకారణ నయేయం
కాలమమరేశ నరసింహ నరసింహ || 8 ||
అష్టకమిదం సకలపాతకభయఘ్నం
కామదమశేషదురితామయరిపుఘ్నం |
యః పఠతి సంతతమశేషనిలయం తే
గచ్ఛతి పదం స నరసింహ నరసింహ || 9 ||