దేవా ఊచుః |
నమః శ్రియై లోకధాత్ర్యై బ్రహ్మమాత్రే నమో నమః |
నమస్తే పద్మనేత్రాయై పద్మముఖ్యై నమో నమః || 1 ||
ప్రసన్నముఖపద్మాయై పద్మకాంత్యై నమో నమః |
నమో బిల్వవనస్థాయై విష్ణుపత్న్యై నమో నమః || 2 ||
విచిత్రక్షౌమధారిణ్యై పృథుశ్రోణ్యై నమో నమః |
పక్వబిల్వఫలాపీనతుంగస్తన్యై నమో నమః || 3 ||
సురక్తపద్మపత్రాభకరపాదతలే శుభే |
సురత్నాంగదకేయూరకాంచీనూపురశోభితే |
యక్షకర్దమసంలిప్తసర్వాంగే కటకోజ్జ్వలే || 4 ||
మాంగల్యాభరణైశ్చిత్రైర్ముక్తాహారైర్విభూషితే |
తాటంకైరవతంసైశ్చ శోభమానముఖాంబుజే || 5 ||
పద్మహస్తే నమస్తుభ్యం ప్రసీద హరివల్లభే |
ఋగ్యజుస్సామరూపాయై విద్యాయై తే నమో నమః || 6 ||
ప్రసీదాస్మాన్ కృపాదృష్టిపాతైరాలోకయాబ్ధిజే |
యే దృష్టాస్తే త్వయా బ్రహ్మరుద్రేంద్రత్వం సమాప్నుయుః || 7 ||
ఇతి శ్రీవరాహపురాణే శ్రీవేంకటాచలమాహాత్ంయే నవమోఽధ్యాయే దేవాదికృత శ్రీలక్ష్మీస్తుతిర్నామ మహాలక్ష్మీచతుర్వింశతినామస్తోత్రం ||
Sri Mahalakshmi Chaturvimsati Nama Stotram pdf download – శ్రీ మహాలక్ష్మీ చతుర్వింశతినామ స్తోత్రం
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
