Sri Mahalakshmi Kavacham 2 pdf download – శ్రీ మహాలక్ష్మీ కవచం –2

శుకం ప్రతి బ్రహ్మోవాచ |
మహాలక్ష్ంయాః ప్రవక్ష్యామి కవచం సర్వకామదం |
సర్వపాపప్రశమనం దుష్టవ్యాధివినాశనం || 1 ||
గ్రహపీడాప్రశమనం గ్రహారిష్టప్రభంజనం |
దుష్టమృత్యుప్రశమనం దుష్టదారిద్ర్యనాశనం || 2 ||
పుత్రపౌత్రప్రజననం వివాహప్రదమిష్టదం |
చోరారిహం చ జపతామఖిలేప్సితదాయకం || 3 ||
సావధానమనా భూత్వా శృణు త్వం శుక సత్తమ |
అనేకజన్మసంసిద్ధిలభ్యం ముక్తిఫలప్రదం || 4 ||
ధనధాన్యమహారాజ్యసర్వసౌభాగ్యకల్పకం |
సకృత్స్మరణమాత్రేణ మహాలక్ష్మీః ప్రసీదతి || 5 ||
అథ ధ్యానం |
క్షీరాబ్ధిమధ్యే పద్మానాం కాననే మణిమంటపే |
తన్మధ్యే సుస్థితాం దేవీం మనీషిజనసేవితాం || 6 ||
సుస్నాతాం పుష్పసురభికుటిలాలకబంధనాం |
పూర్ణేందుబింబవదనామర్ధచంద్రలలాటికాం || 7 ||
ఇందీవరేక్షణాం కామకోదండభ్రువమీశ్వరీం |
తిలప్రసవసంస్పర్ధినాసికాలంకృతాం శ్రియం || 8 ||
కుందకుట్మలదంతాలిం బంధూకాధరపల్లవాం |
దర్పణాకారవిమలకపోలద్వితయోజ్జ్వలాం || 9 ||
రత్నతాటంకకలితకర్ణద్వితయసుందరాం |
మాంగల్యాభరణోపేతాం కంబుకంఠీం జగత్ప్రసూం || 10 ||
తారహారిమనోహారికుచకుంభవిభూషితాం |
రత్నాంగదాదిలలితకరపద్మచతుష్టయాం || 11 ||
కమలే చ సుపత్రాఢ్యే హ్యభయం దధతీం వరం |
రోమరాజికలాచారుభుగ్ననాభితలోదరీం || 12 ||
పట్టవస్త్రసముద్భాసిసునితంబాదిలక్షణాం |
కాంచనస్తంభవిభ్రాజద్వరజానూరుశోభితాం || 13 ||
స్మరకాహలికాగర్వహారిజంఘాం హరిప్రియాం |
కమఠీపృష్ఠసదృశపాదాబ్జాం చంద్రసన్నిభాం || 14 ||
పంకజోదరలావణ్యసుందరాంఘ్రితలాం శ్రియం |
సర్వాభరణసంయుక్తాం సర్వలక్షణలక్షితాం || 15 ||
పితామహమహాప్రీతాం నిత్యతృప్తాం హరిప్రియాం |
నిత్యం కారుణ్యలలితాం కస్తూరీలేపితాంగికాం || 16 ||
సర్వమంత్రమయాం లక్ష్మీం శ్రుతిశాస్త్రస్వరూపిణీం |
పరబ్రహ్మమయాం దేవీం పద్మనాభకుటుంబినీం |
ఏవం ధ్యాత్వా మహాలక్ష్మీం పఠేత్తత్కవచం పరం || 17 ||
అథ కవచం |
మహాలక్ష్మీః శిరః పాతు లలాటం మమ పంకజా |
కర్ణౌ రక్షేద్రమా పాతు నయనే నళినాలయా || 18 ||
నాసికామవతాదంబా వాచం వాగ్రూపిణీ మమ |
దంతానవతు జిహ్వాం శ్రీరధరోష్ఠం హరిప్రియా || 19 ||
చుబుకం పాతు వరదా గలం గంధర్వసేవితా |
వక్షః కుక్షిం కరౌ పాయుం పృష్ఠమవ్యాద్రమా స్వయం || 20 ||
కటిమూరుద్వయం జాను జంఘం పాతు రమా మమ |
సర్వాంగమింద్రియం ప్రాణాన్పాయాదాయాసహారిణీ || 21 ||
సప్తధాతూన్ స్వయం చాపి రక్తం శుక్రం మనో మమ |
జ్ఞానం బుద్ధిం మహోత్సాహం సర్వం మే పాతు పంకజా || 22 ||
మయా కృతం చ యత్కించిత్తత్సర్వం పాతు సేందిరా |
మమాయురవతాల్లక్ష్మీః భార్యాం పుత్రాంశ్చ పుత్రికా || 23 ||
మిత్రాణి పాతు సతతమఖిలాని హరిప్రియా |
పాతకం నాశయేల్లక్ష్మీః మమారిష్టం హరేద్రమా || 24 ||
మమారినాశనార్థాయ మాయామృత్యుం జయేద్బలం |
సర్వాభీష్టం తు మే దద్యాత్పాతు మాం కమలాలయా || 25 ||
ఫలశ్రుతిః |
య ఇదం కవచం దివ్యం రమాత్మా ప్రయతః పఠేత్ |
సర్వసిద్ధిమవాప్నోతి సర్వరక్షాం తు శాశ్వతీం || 26 ||
దీర్ఘాయుష్మాన్భవేన్నిత్యం సర్వసౌభాగ్యకల్పకం |
సర్వజ్ఞః సర్వదర్శీ చ సుఖదశ్చ సుఖోజ్జ్వలః || 27 ||
సుపుత్రో గోపతిః శ్రీమాన్ భవిష్యతి న సంశయః |
తద్గృహే న భవేద్బ్రహ్మన్ దారిద్ర్యదురితాదికం || 28 ||
నాగ్నినా దహ్యతే గేహం న చోరాద్యైశ్చ పీడ్యతే |
భూతప్రేతపిశాచాద్యాః సంత్రస్తా యాంతి దూరతః || 29 ||
లిఖిత్వా స్థాపయేద్యత్ర తత్ర సిద్ధిర్భవేద్ధ్రువం |
నాపమృత్యుమవాప్నోతి దేహాంతే ముక్తిభాగ్భవేత్ || 30 ||
ఆయుష్యం పౌష్టికం మేధ్యం ధాన్యం దుఃస్వప్ననాశనం |
ప్రజాకరం పవిత్రం చ దుర్భిక్షార్తివినాశనం || 31 ||
చిత్తప్రసాదజననం మహామృత్యుప్రశాంతిదం |
మహారోగజ్వరహరం బ్రహ్మహత్యాదిశోధనం || 32 ||
మహాధనప్రదం చైవ పఠితవ్యం సుఖార్థిభిః |
ధనార్థీ ధనమాప్నోతి వివాహార్థీ లభేద్వధూం || 33 ||
విద్యార్థీ లభతే విద్యాం పుత్రార్థీ గుణవత్సుతం |
రాజ్యార్థీ రాజ్యమాప్నోతి సత్యముక్తం మయా శుక || 34 ||
ఏతద్దేవ్యాః ప్రసాదేన శుకః కవచమాప్తవాన్ |
కవచానుగ్రహేణైవ సర్వాన్ కామానవాప సః || 35 ||
ఇతి బ్రహ్మకృత శ్రీ మహాలక్ష్మీ కవచం |