ధ్యానం –
విప్రారోపితధేనుఘాతకలుషచ్ఛేదాయ పూర్వం మహాన్
సోమారణ్యజయంతిమధ్యమగతో గ్రామే మునిర్గౌతమః |
చక్రే యజ్ఞవరం కృపాజలనిధిస్తత్రావిరాసీత్ ప్రభుః
తస్మై శ్రీగురుమూర్తయే నమ ఇదం యో విష్ణుశంభ్వోసుతః ||
నామావళిః –
రైవతాచలశృంగాగ్రమధ్యస్థాయ నమో నమః |
రత్నాదిసోమసంయుక్తశేఖరాయ నమో నమః |
చంద్రసూర్యశిఖావాహత్రిణేత్రాయ నమో నమః |
పాశాంకుశగదాశూలాభరణాయ నమో నమః |
మదఘూర్ణితపూర్ణాంబామానసాయ నమో నమః |
పుష్కలాహృదయాంభోజనివాసాయ నమో నమః |
శ్వేతమాతంగనీలాశ్వవాహనాయ నమో నమః |
రక్తమాలాధరస్కంధప్రదేశాయ నమో నమః |
వైకుంఠనాథశంభ్వోశ్చ సుసుతాయ నమో నమః | 9
త్రికాలం వర్తమానానాం భాషణాయ నమో నమః |
మహాసురదశకరచ్ఛేదనాయ నమో నమః |
దేవరాజసువాక్ తుష్టమానసాయ నమో నమః |
అభయంకరమంత్రార్థస్వరూపాయ నమో నమః |
జయశబ్దమునిస్తోత్రశ్రోత్రియాయ నమో నమః |
సూర్యకోటిప్రతీకాశసుదేహాయ నమో నమః |
దండనారాచవిలసత్కరాబ్జాయ నమో నమః |
మందాకినీనదీతీరనివాసాయ నమో నమః |
మతంగోద్యానసంచారవైభవాయ నమో నమః | 18
సదా సద్భక్తిసంధాతృచరణాయ నమో నమః |
కృశానుకోణమధ్యస్థకృపాంగాయ నమో నమః |
పార్వతీహృదయానందభరితాయ నమో నమః |
శాండిల్యమునిసంస్తుత్యశ్యామలాయ నమో నమః |
విశ్వావసుసదాసేవ్యవిభవాయ నమో నమః |
పంచాక్షరీమహామంత్రపారగాయ నమో నమః |
ప్రభా సత్యాభిసంపూజ్యపదాబ్జాయ నమో నమః |
ఖడ్గఖేటోరగాంభోజసుభుజాయ నమో నమః |
మదత్రయద్రవగజారోహణాయ నమో నమః | 27
చింతామణిమహాపీఠమధ్యగాయ నమో నమః |
శిఖిపింఛజటాబద్ధజఘనాయ నమో నమః |
పీతాంబరాబద్ధకటిప్రదేశాయ నమో నమః |
విప్రారాధనసంతుష్టవిశ్రాంతాయ నమో నమః |
వ్యోమాగ్నిమాయామూర్ధేందుసుబీజాయ నమో నమః |
పురా కుంభోద్భవమునిఘోషితాయ నమో నమః |
వర్గారిషట్కులామూలవినాశాయ నమో నమః |
ధర్మార్థకామమోక్షశ్రీఫలదాయ నమో నమః |
భక్తిప్రదానందగురుపాదుకాయ నమో నమః | 36
ముక్తిప్రదాతృపరమదేశికాయ నమో నమః |
పరమేష్ఠిస్వరూపేణ పాలకాయ నమో నమః |
పరాపరేణ పద్మాదిదాయకాయ నమో నమః |
మనులోకైః సదావంద్య మంగళాయ నమో నమః |
కృతే ప్రత్యక్షరం లక్షాత్కీర్తిదాయ నమో నమః |
త్రేతాయాం ద్వ్యష్టలక్షేణ సిద్ధిదాయ నమో నమః |
ద్వాపరే చాష్టలక్షేణ వరదాయ నమో నమః |
కలౌ లక్షచతుష్కేన ప్రసన్నాయ నమో నమః |
సహస్రసంఖ్యాజాపేన సంతుష్టాయ నమో నమః | 45
యదుద్దిశ్య జపః సద్యస్తత్ప్రదాత్రే నమో నమః |
శౌనకస్తోత్రసంప్రీతసుగుణాయ నమో నమః |
శరణాగతభక్తానాం సుమిత్రాయ నమో నమః |
పాణ్యోర్గజధ్వజం ఘంటాం బిభ్రతే తే నమో నమః |
ఆజానుద్వయసందీర్ఘబాహుకాయ నమో నమః |
రక్తచందనలిప్తాంగశోభనాయ నమో నమః |
కమలాసురజీవాపహరణాయ నమో నమః |
శుద్ధచిత్తసుభక్తానాం రక్షకాయ నమో నమః |
మార్యాదిదుష్టరోగాణాం నాశకాయ నమో నమః | 54
దుష్టమానుషగర్వాపహరణాయ నమో నమః |
నీలమేఘనిభాకారసుదేహాయ నమో నమః |
పిపీలికాదిబ్రహ్మాండవశ్యదాయ నమో నమః |
భూతనాథసదాసేవ్యపదాబ్జాయ నమో నమః |
మహాకాలాదిసంపూజ్యవరిష్ఠాయ నమో నమః |
వ్యాఘ్రశార్దూల పంచాస్య వశ్యదాయ నమో నమః |
మధురానృపసంమోహసువేషాయ నమో నమః |
పాండ్యభూపసభారత్నపంకజాయ నమో నమః |
రాఘవప్రీతశబరీస్వాశ్రమాయ నమో నమః | 63
పంపానదీసమీపస్థసదనాయ నమో నమః |
పంతలాధిపవంద్యశ్రీపదాబ్జాయ నమో నమః |
భూతభేతాలకూష్మాండోచ్చాటనాయ నమో నమః |
భూపాగ్రే వనశార్దూలాకర్షణాయ నమో నమః |
పాండ్యేశవంశతిలకస్వరూపాయ నమో నమః |
పత్రవాణీజరారోగధ్వంసనాయ నమో నమః |
వాణ్యై చోదితశార్దూల శిశుదాయ నమో నమః |
కేరళేషు సదా కేళివిగ్రహాయ నమో నమః |
ఆశ్రితాఖిలవంశాభివృద్ధిదాయ నమో నమః | 72
ఛాగాస్యరాక్షసీపాణిఖండనాయ నమో నమః |
సదాజ్వలద్ఘృణీన్యస్తశరణాయ నమో నమః |
దీప్త్యాదిశక్తినవకైః సేవితాయ నమో నమః |
ప్రభూతనామపంచాస్యపీఠస్థాయ నమో నమః |
ప్రమథాకర్షసామర్థ్యదాయకాయ నమో నమః |
షట్పంచాశద్దేశపతివశ్యదాయ నమో నమః |
దుర్ముఖీనామదైత్యశిరశ్ఛేదాయ నమో నమః |
టాదిభాంతదళైః క్లుప్తపద్మస్థాయ నమో నమః |
శరచ్చంద్రప్రతీకాశవక్త్రాబ్జాయ నమో నమః | 81
వశ్యాద్యష్టక్రియాకర్మఫలదాయ నమో నమః |
వనవాసాదిసుప్రీతవరిష్ఠాయ నమో నమః |
పురా శచీభయభ్రాంతిప్రణాశాయ నమో నమః |
సురేంద్రప్రార్థితాభీష్టఫలదాయ నమో నమః |
శంభోర్జటాసముత్పన్నసేవితాయ నమో నమః |
విప్రపూజ్యసభామధ్యనర్తకాయ నమో నమః |
జపాపుష్పప్రభావోర్ధ్వాధరోష్ఠాయ నమో నమః |
సాధుసజ్జనసన్మార్గరక్షకాయ నమో నమః |
మధ్వాజ్యకులవత్స్వాదువచనాయ నమో నమః | 90
రక్తసైకతశైలాఘక్షేత్రస్థాయ నమో నమః |
కేతకీవనమధ్యస్థకుమారాయ నమో నమః |
గోహత్తిపాపశమనచతురాయ నమో నమః |
స్వపూజనాత్ పాపముక్తగౌతమాయ నమో నమః |
ఉదీచ్యాచలవారీశగ్రామరక్షాయ తే నమః |
గౌతమీసలిలస్నానసంతుష్టాయ నమో నమః |
సోమారణ్యజయంతాఖ్యక్షేత్రమధ్యాయ తే నమః |
గౌతమాఖ్యమునిశ్రేష్ఠయాగప్రార్చ్యాయ తే నమః |
కృత్తికర్క్షోద్భవగ్రామప్రవేశాయ నమో నమః | 99
కృత్తికర్క్షోద్భవగ్రామక్లేశనాశాయ తే నమః |
కృత్తికర్క్షోద్భవగ్రామపాలనాయ నమో నమః |
సదాధ్యాయిభరద్వాజపూజితాయ నమో నమః |
కశ్యపాదిమునీంద్రాణాం తపోదేశాయ తే నమః |
జన్మమృత్యుజరాతప్తజనశాంతికృతే నమః |
భక్తజనమనః క్లేశమర్దనాయ నమో నమః |
ఆయుర్యశః శ్రియం ప్రజ్ఞాం పుత్రాన్ దేహి నమో నమః |
రేవంతజృంభిన్ ఏహ్యేహి ప్రసాదం కురు మే నమః |
బ్రహ్మవిష్ణుశివాత్మైక్యస్వరూపాయ నమో నమః | 108
ఇతి శ్రీమహాశాస్తృ అష్టోత్తరశతనామావళిః ||
Sri Maha Sastha Ashtottara Shatanamavali pdf download – శ్రీ మహాశాస్తృ అష్టోత్తరశతనామావళిః
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
