జటాతటాంతరోల్లసత్సురాపగోర్మిభాస్వరం
లలాటనేత్రమిందునావిరాజమానశేఖరం |
లసద్విభూతిభూషితం ఫణీంద్రహారమీశ్వరం
నమామి నాటకేశ్వరం భజామి హాటకేశ్వరం || 1 ||
పురాంధకాదిదాహకం మనోభవప్రదాహకం
మహాఘరాశినాశకం అభీప్సితార్థదాయకం |
జగత్త్రయైకకారకం విభాకరం విదారకం
నమామి నాటకేశ్వరం భజామి హాటకేశ్వరం || 2 ||
మదీయ మానసస్థలే సదాఽస్తు తే పదద్వయం
మదీయ వక్త్రపంకజే శివేతి చాక్షరద్వయం |
మదీయ లోచనాగ్రతః సదాఽర్ధచంద్రవిగ్రహం
నమామి నాటకేశ్వరం భజామి హాటకేశ్వరం || 3 ||
భజంతి హాటకేశ్వరం సుభక్తిభావతోత్రయే
భజంతి హాటకేశ్వరం ప్రమాణమాత్ర నాగరాః |
ధనేన తేజ సాధికాః కులేన చాఽఖిలోన్నతాః
నమామి నాటకేశ్వరం భజామి హాటకేశ్వరం || 4 ||
సదాశివోఽహమిత్యహర్నిశం భజేత యో జనాః
సదా శివం కరోతి తం న సంశయోఽత్ర కశ్చన |
అహో దయాలుతా మహేశ్వరస్య దృశ్యతాం బుధా
నమామి నాటకేశ్వరం భజామి హాటకేశ్వరం || 5 ||
ధరాధరాత్మజాపతే త్రిలోచనేశ శంకరం
గిరీశ చంద్రశేఖరాఽహిరాజభూషణేశ్వరః |
మహేశ నందివాహనేతి సంఘటన్నహర్నిశం
నమామి నాటకేశ్వరం భజామి హాటకేశ్వరం || 6 ||
మహేశ పాహి మాం ముదా గిరీశ పాహి మాం సదా
భవార్ణవే నిమజ్జతస్త్వమేవ మేఽసి తారకః |
కరావలంబనం ఝటిత్యహోఽధునా ప్రదీయతాం
నమామి నాటకేశ్వరం భజామి హాటకేశ్వరం || 7 ||
ధరాధరేశ్వరేశ్వరం శివం నిధీశ్వరేశ్వరం
సురాసురేశ్వరం రమాపతీశ్వరం మహేశ్వరం |
ప్రచండ చండికేశ్వరం వినీత నందికేశ్వరం
నమామి నాటకేశ్వరం భజామి హాటకేశ్వరం || 8 ||
హాటకేశస్య భక్త్యా యో హాటకేశాష్టకం పఠేత్ |
హాటకేశ ప్రసాదేన హాటకేశత్వమాప్నుయాత్ || 9 ||