యేన మీనస్వరూపేణ వేదాః సంరక్షితాః పురా |
స ఏవ వేదసంహర్తా గోపాలః శరణం మమ || 1 ||
పృష్ఠే యః కూర్మరూపేణ దధార ధరణీతలం |
స ఏవ సృష్టిసంహర్తా గోపాలః శరణం మమ || 2 ||
వరాహరూపః సంభూత్వా దంష్టాగ్రే యో మహీం దధౌ |
స భూమిభారహరణో గోపాలః శరణం మమ || 3 ||
జగ్రాహ యో నృసింహస్య రూపం ప్రహ్లాదహేతవే |
స యోద్ధుముద్యతః సంయగ్గోపాలః శరణం మమ || 4 ||
యేన వామనరూపేణ వంచితో బలిభూమిపః |
స ఏవ గోపనారీభిర్గోపాలః శరణం మమ || 5 ||
యేనేయం జామదగ్న్యేన పృథ్వీ నిఃక్షత్త్రియా కృతా |
స ఏవ క్షత్త్రియహితో గోపాలః శరణం మమ || 6 ||
దశాస్యో దాశరథినా యేన రామేణ మారితః |
స పంచాస్యప్రాప్తబలో గోపాలః శరణం మమ || 7 ||
కాళిందీ కర్షితా యేన రామరూపేణ కౌతుకాత్ |
తజ్జలక్రీడనాసక్తో గోపాలః శరణం మమ || 8 ||
యేన బౌద్ధస్వరూపేణ లోకాః పాఖండమార్గగాః |
స ఏవ పాఖండహరో గోపాలః శరణం మమ || 9 ||
గమిష్యంతి క్షయం యేన రాక్షసాః కల్కిరూపిణా |
స రాక్షసం గతేర్దాతా గోపాలః శరణం మమ || 10 ||
గోవర్ధనో గిరిర్యేన స్థాపితః కంజవత్కరే |
ఉలూఖలేన సహితో గోపాలః శరణం మమ || 11 ||
ఏకాదశస్వీయధాంనామావళిం యో లిఖేద్ధృది |
కృష్ణప్రసాదయుక్తశ్చ స యాతి పరమాం గతిం || 12 ||
ఇతి శ్రీరఘునాథాచార్య విరచితం శ్రీ గోపాల స్తవః ||
Sri Gopala Stava (Dashavatara Stava) pdf download – శ్రీ గోపాల స్తవః (దశావతార స్తవః)
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
