ధ్వాంతదంతికేసరీ హిరణ్యకాంతిభాసురః
కోటిరశ్మిభూషితస్తమోహరోఽమితద్యుతిః |
వాసరేశ్వరో దివాకరః ప్రభాకరః ఖగో
భాస్కరః సదైవ పాతు మాం విభావసూ రవిః || 1 ||
యక్షసిద్ధకిన్నరాదిదేవయోనిసేవితం
తాపసైరృషీశ్వరైశ్చ నిత్యమేవ వందితం |
తప్తకాంచనాభమర్కమాదిదైవతం రవిం
విశ్వచక్షుషం నమామి సాదరం మహాద్యుతిం || 2 ||
భానునా వసుంధరా పురైవ నిర్మితా తథా
భాస్కరేణ తేజసా సదైవ పాలితా మహీ |
భూర్విలీనతాం ప్రయాతి కాశ్యపేయవర్చసా
తం రవి భజాంయహం సదైవ భక్తిచేతసా || 3 ||
అంశుమాలినే తథా చ సప్తసప్తయే నమో
బుద్ధిదాయకాయ శక్తిదాయకాయ తే నమః |
అక్షరాయ దివ్యచక్షుషేఽమృతాయ తే నమః
శంఖచక్రభూషణాయ విష్ణురూపిణే నమః || 4 ||
భానవీయభానుభిర్నభస్తలం ప్రకాశతే
భాస్కరస్య తేజసా నిసర్గ ఏష వర్ధతే |
భాస్కరస్య భా సదైవ మోదమాతనోత్యసౌ
భాస్కరస్య దివ్యదీప్తయే సదా నమో నమః || 5 ||
అంధకారనాశకోఽసి రోగనాశకస్తథా
భో మమాపి నాశయాశు దేహచిత్తదోషతాం |
పాపదుఃఖదైన్యహారిణం నమామి భాస్కరం
శక్తిధైర్యబుద్ధిమోదదాయకాయ తే నమః || 6 ||
భాస్కరం దయార్ణవం మరీచిమంతమీశ్వరం
లోకరక్షణాయ నిత్యముద్యతం తమోహరం |
చక్రవాకయుగ్మయోగకారిణం జగత్పతిం
పద్మినీముఖారవిందకాంతివర్ధనం భజే || 7 ||
సప్తసప్తిసప్తకం సదైవ యః పఠేన్నరో
భక్తియుక్తచేతసా హృది స్మరన్ దివాకరం |
అజ్ఞతాతమో వినాశ్య తస్య వాసరేశ్వరో
నీరుజం తథా చ తం కరోత్యసౌ రవిః సదా || 8 ||
ఇతి శ్రీ ఆపటీకరవిరచితం సప్తసప్తిసప్తకం నామ శ్రీ భాస్కర సప్తకం |
Sri Bhaskara Saptakam (Sapta Sapti Saptaka Stotram) pdf download – శ్రీ భాస్కర సప్తకం (సప్తసప్తిసప్తకం)
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
