శ్రీభైరవ ఉవాచ |
దేవేశి దేహరక్షార్థం కారణం కథ్యతాం ధ్రువం |
ంరియంతే సాధకా యేన వినా శ్మశానభూమిషు ||
రణేషు చాతిఘోరేషు మహావాయుజలేషు చ |
శృంగిమకరవజ్రేషు జ్వరాదివ్యాధివహ్నిషు ||
శ్రీదేవ్యువాచ |
కథయామి శృణు ప్రాజ్ఞ బటోస్తు కవచం శుభం |
గోపనీయం ప్రయత్నేన మాతృజారోపమం యథా ||
తస్య ధ్యానం త్రిధా ప్రోక్తం సాత్త్వికాదిప్రభేదతః |
సాత్త్వికం రాజసం చైవ తామసం దేవ తత్ శృణు ||
ధ్యానం –
వందే బాలం స్ఫటికసదృశం కుండలోద్భాసివక్త్రం
దివ్యాకల్పైర్నవమణిమయైః కింకిణీనూపురాద్యైః |
దీప్తాకారం విశదవదనం సుప్రసన్నం త్రినేత్రం
హస్తాబ్జాభ్యాం బటుకమనిశం శూలఖడ్గౌదధానం || 1 ||
ఉద్యద్భాస్కరసన్నిభం త్రినయనం రక్తాంగరాగస్రజం
స్మేరాస్యం వరదం కపాలమభయం శూలం దధానం కరైః |
నీలగ్రీవముదారభూషణశతం శీతాంశుచూడోజ్జ్వలం
బంధూకారుణవాససం భయహరం దేవం సదా భావయే || 2 ||
ధ్యాయేన్నీలాద్రికాంతం శశిశకలధరం ముండమాలం మహేశం
దిగ్వస్త్రం పింగకేశం డమరుమథ సృణిం ఖడ్గశూలాభయాని |
నాగం ఘణ్టాం కపాలం కరసరసిరుహైర్విభ్రతం భీమదంష్ట్రం
సర్పాకల్పం త్రినేత్రం మణిమయవిలసత్కింకిణీ నూపురాఢ్యం || 3 ||
అస్య వటుకభైరవకవచస్య మహాకాల ఋషిరనుష్టుప్ఛందః శ్రీవటుకభైరవో దేవతా బం బీజం హ్రీం శక్తిరాపదుద్ధారణాయేతి కీలకం మమ సర్వాభీష్టసిద్ధ్యర్థే వినియోగః |
కవచం –
ఓం శిరో మే భైరవః పాతు లలాటం భీషణస్తథా |
నేత్రే చ భూతహననః సారమేయానుగో భ్రువౌ || 1
భూతనాథశ్చ మే కర్ణౌ కపోలౌ ప్రేతవాహనః |
నాసాపుటౌ తథోష్ఠౌ చ భస్మాంగః సర్వభూషణః || 2
భీషణాస్యో మమాస్యం చ శక్తిహస్తో గలం మమ |
స్కంధౌ దైత్యరిపుః పాతు బాహూ అతులవిక్రమః || 3
పాణీ కపాలీ మే పాతు ముండమాలాధరో హృదం |
వక్షఃస్థలం తథా శాంతః కామచారీ స్తనం మమ || 4
ఉదరం చ స మే తుష్టః క్షేత్రేశః పార్శ్వతస్తథా |
క్షేత్రపాలః పృష్ఠదేశం క్షేత్రాఖ్యో నాభితస్తథా || 5
కటిం పాపౌఘనాశశ్చ బటుకో లింగదేశకం |
గుదం రక్షాకరః పాతు ఊరూ రక్షాకరః సదా || 6
జానూ చ ఘుర్ఘురారావో జంఘే రక్షతు రక్తపః |
గుల్ఫౌ చ పాదుకాసిద్ధః పాదపృష్ఠం సురేశ్వరః || 7
ఆపాదమస్తకం చైవ ఆపదుద్ధారణస్తథా |
సహస్రారే మహాపద్మే కర్పూరధవలో గురుః || 8
పాతు మాం వటుకో దేవో భైరవః సర్వకర్మసు |
పూర్వ స్యామసితాంగో మే దిశి రక్షతు సర్వదా || 9
ఆగ్నేయ్యాం చ రురుః పాతు దక్షిణే చండభైరవః |
నైరృత్యాం క్రోధనః పాతు మామున్మత్తస్తు పశ్చిమే || 10
వాయవ్యాం మే కపాలీ చ నిత్యం పాయాత్ సురేశ్వరః |
భీషణో భైరవః పాతూత్తరస్యాం దిశి సర్వదా || 11
సంహారభైరవః పాతు దిశ్యైశాన్యాం మహేశ్వరః |
ఊర్ధ్వే పాతు విధాతా వై పాతాలే నందికో విభుః || 12
సద్యోజాతస్తు మాం పాయాత్ సర్వతో దేవసేవితః |
వామదేవోఽవతు ప్రీతో రణే ఘోరే తథావతు || 13
జలే తత్పురుషః పాతు స్థలే పాతు గురుః సదా |
డాకినీపుత్రకః పాతు దారాంస్తు లాకినీసుతః || 14
పాతు సాకలకో భ్రాతౄన్ శ్రియం మే సతతం గిరః |
లాకినీపుత్రకః పాతు పశూనశ్వానజాంస్తథా || 15
మహాకాలోఽవతు చ్ఛత్రం సైన్యం వై కాలభైరవః |
రాజ్యం రాజ్యశ్రియం పాయాత్ భైరవో భీతిహారకః || 16
రక్షాహీనంతు యత్ స్థానం వర్జితం కవచేన చ |
తత్ సర్వం రక్ష మే దేవ త్వం యతః సర్వరక్షకః || 17
ఏతత్ కవచమీశాన తవ స్నేహాత్ ప్రకాశితం |
నాఖ్యేయం నరలోకేషు సారభూతం చ సుశ్రియం || 18
యస్మై కస్మై న దాతవ్యం కవచేశం సుదుర్లభం |
న దేయం పరశిష్యేభ్యః కృపణేభ్యశ్చ శంకర || 19
యో దదాతి నిషిద్ధేభ్యః స వై భ్రష్టో భవేద్ధ్రువం |
అనేన కవచేశేన రక్షాం కృత్వా ద్విజోత్తమః || 20
విచరన్ యత్ర కుత్రాపి విఘ్నౌఘైః ప్రాప్యతే న సః |
మంత్రేణ ంరియతే యోగీ కవచం యన్న రక్షితః || 21
తస్మాత్ సర్వప్రయత్నేన దుర్లభం పాపచేతసాం |
భూర్జే రంభాత్వచే వాపి లిఖిత్వా విధివత్ ప్రభో || 22
ధారయేత్ పాఠయేద్వాపి సంపఠేద్వాపి నిత్యశః |
సంప్రాప్నోతి ప్రభావం వై కవచస్యాస్య వర్ణితం || 23
నమో భైరవదేవాయ సారభూతాయ వై నమః |
నమస్త్రైలోక్యనాథాయ నాథనాథాయ వై నమః || 24
ఇతి విశ్వసారోద్ధారతంత్రే ఆపదుద్ధారకల్పే భైరవభైరవీసంవాదే వటుకభైరవకవచం సమాప్తం ||
Sri Batuka Bhairava Kavacham pdf download – శ్రీ బటుకభైరవ కవచం
Author
Nagaraju Gajula
నాగరాజు గాజుల ఒక ప్రామాణిక రచయిత మరియు 'స్క్రీన్ రైటర్స్ అసోసియేషన్ ఆఫ్ ఇండియా'లో ఫెలో మెంబర్ (Fellow Member). హిందూ ధర్మం, భక్తి, మరియు సామాజిక-ఫాంటసీ (socio-fantasy) అంశాలపై ఆయనకు అపారమైన అనుభవం, లోతైన అవగాహన ఉన్నాయి. "ది హిందూ మ్యాట్రిక్స్" (The Hindu Matrix) అనే ఆధ్యాత్మిక పుస్తక రచయితగా ఆయనకు మంచి గుర్తింపు ఉంది. ధార్మిక విషయాలను, మతపరమైన కల్పనలను (religious fiction) నిశితంగా అధ్యయనం చేసి, పాఠకులకు అత్యంత విశ్వసనీయమైన భక్తి సమాచారాన్ని అందించడంలో ఆయన నిపుణుడు.
