Sri Bala Vanchadatri Stotram pdf download – శ్రీ బాలా వాంఛాదాత్రీ స్తోత్రం

విద్యాక్షమాలాసుకపాలముద్రా-
-రాజత్కరాం కుందసమానకాంతిం |
ముక్తాఫలాలంకృతశోభనాంగీం
బాలాం భజే వాఙ్మయసిద్ధిహేతోః || 1 ||
భజే కల్పవృక్షాధ ఉద్దీప్తరత్నా-
-ఽఽసనే సన్నిషణ్ణాం మదాఘూర్ణితాక్షీం |
కరైర్బీజపూరం కపాలేషుచాపం
సపాశాంకుశాం రక్తవర్ణాం దధానాం || 2 ||
వ్యాఖ్యానముద్రామృతకుంభవిద్యాం
అక్షస్రజం సందధతీం కరాబ్జైః |
చిద్రూపిణీం శారదచంద్రకాంతిం
బాలాం భజే మౌక్తికభూషితాంగీం || 3 ||
పాశాంకుశౌ పుస్తకమక్షసూత్రం
కరైర్దధానాం సకలామరార్చ్యాం |
రక్తాం త్రిణేత్రాం శశిశేఖరాం తాం
భజేఽఖిలర్ఘ్యై త్రిపురాం చ బాలాం || 4 ||
ఆరక్తాం శశిఖండమండితజటాజూటానుబద్ధస్రజం
బంధూకప్రసవారుణాంబరధరాం రక్తాంబుజాధ్యాసినీం |
త్వాం ధ్యాయామి చతుర్భుజాం త్రిణయనామాపీనరంయస్తనీం
మధ్యే నింనవలిత్రయాంకితతనుం త్వద్రూపసంపత్తయే || 5 ||
ఆధారే తరుణార్కబింబరుచిరం సోమప్రభం వాగ్భవం
బీజం మన్మథమింద్రగోపకనిభం హృత్పంకజే సంస్థితం |
రంధ్రే బ్రహ్మపదే చ శాక్తమపరం చంద్రప్రభాభాసురం
యే ధ్యాయంతి పదత్రయం తవ శివే తే యాంతి సూక్ష్మం పదం || 6 ||
రక్తాంబరాం చంద్రకలావతంసాం
సముద్యదాదిత్యనిభాం త్రిణేత్రాం |
విద్యాక్షమాలాభయదానహస్తాం
ధ్యాయామి బాలామరుణాంబుజస్థాం || 7 ||
అకలంకశశాంకాభా త్ర్యక్షా చంద్రకలావతీ |
ముద్రాపుస్తలసద్బాహా పాతు మాం పరమా కలా || 8 ||
మాతులింగపయోజన్మహస్తాం కనకసన్నిభాం |
పద్మాసనగతాం బాలాం ధ్యాయామి ధనసిద్ధయే || 9 ||
వరపీయూషకలశపుస్తకాభీతిధారిణీం |
సుధాం స్రవంతీం జ్ఞానాప్త్యై బ్రహ్మరంధ్రే విచింతయే || 10 ||
శుక్లాంబరాం శశాంకాభాం ధ్యాయాంయారోగ్యదాయినీం |
సృణిపాశధరాం దేవీం రత్నాలంకారభూషితాం || 11 ||
అకారాదిక్షకారాంతవర్ణావయవశాలినీం |
ప్రసన్నామరుణామీక్షే సౌమనస్యప్రదాం శివాం || 12 ||
పుస్తకజపవటహస్తే వరదాభయచిహ్నబాహులతే |
కర్పూరామలదేహే వాగీశ్వరి చోదయాశు మమ చేతః || 13 ||
ఇతి శ్రీ బాలా వాంఛాదాత్రీ స్తోత్రం |