Sri Bala Muktavali Stotram pdf download – శ్రీ బాలా ముక్తావలీ స్తోత్రం

బాలార్కకోటిరుచిరాం కోటిబ్రహ్మాండభూషితాం |
కందర్పకోటిలావణ్యాం బాలాం వందే శివప్రియాం || 1 ||
వహ్నికోటిప్రభాం సూక్ష్మాం కోటికోటిసహేలినీం |
వరదాం రక్తవర్ణాం చ బాలాం వందే సనాతనీం || 2 ||
జ్ఞానరత్నాకరాం భీమాం పరబ్రహ్మావతారిణీం |
పంచప్రేతాసనగతాం బాలాం వందే గుహాశయాం || 3 ||
పరాప్రాసాదమూర్ధ్నిస్థాం పవిత్రాం పాత్రధారిణీం |
పశుపాశచ్ఛిదాం తీక్ష్ణాం బాలాం వందే శివాసనాం || 4 ||
గిరిజాం గిరిమధ్యస్థాం గీః రూపాం జ్ఞానదాయినీం |
గుహ్యతత్త్వపరాం చాద్యాం బాలాం వందే పురాతనీం || 5 ||
బౌద్ధకోటిసుసౌందర్యాం చంద్రకోటిసుశీతలాం |
ఆశావాసాం పరాం దేవీం వందే బాలాం కపర్దినీం || 6 ||
సృష్టిస్థిత్యంతకారిణీం త్రిగుణాత్మకరూపిణీం |
కాలగ్రసనసామర్థ్యాం బాలాం వందే ఫలప్రదాం || 7 ||
యజ్ఞనాశీం యజ్ఞదేహాం యజ్ఞకర్మశుభప్రదాం |
జీవాత్మవిశ్వజననీం బాలాం వందే పరాత్పరాం || 8 ||
ఇత్యేతత్పరమం గుహ్యం నాంనా ముక్తావలీస్తవం |
యే పఠంతి మహేశాని ఫలం వక్తుం న శక్యతే || 9 ||
గుహ్యాద్గుహ్యతరం గుహ్యం మహాగుహ్యం వరాననే |
విద్యార్థీ లభతే విద్యాం ధనార్థీ లభతే ధనం || 10 ||
కన్యార్థీ లభతే కన్యాం మోక్షార్థీ మోక్షమాప్నుయాత్ |
బహునాత్ర కిముక్తేన చింతామణిరివాపరం || 11 ||
గోపనీయం ప్రయత్నేన గోపనీయం న సంశయః |
అన్యేభ్యో నైవ దాతవ్యం కిమన్యచ్ఛ్రోతుమిచ్ఛసి || 12 ||
ఇతి శ్రీవిష్ణుయామలే శ్రీ బాలా ముక్తావలీ స్తోత్రం |