Sri Bala Manasa Puja Stotram pdf download – శ్రీ బాలా మానసపూజా స్తోత్రం

ఉద్యద్భానుసహస్రకాంతిమరుణక్షౌమాంబరాలంకృతాం
గంధాలిప్తపయోధరాం జపవటీం విద్యామభీతిం వరం |
హస్తాబ్జైర్దధతీం త్రిణేత్రవిలసద్వక్త్రారవిందశ్రియం
దేవీం బద్ధహిమాంశురత్నమకుటాం వందేఽరవిందస్థితాం || 1 ||
ఏణధరాశ్మకృతోన్నతధిష్ణ్యం
హేమవినిర్మితపాదమనోజ్ఞం |
శోణశిలాఫలకం చ విశాలం
దేవి సుఖాసనమద్య దదామి || 2 ||
ఈశమనోహరరూపవిలాసే
శీతలచందనకుంకుమమిశ్రం |
హృద్యసువర్ణఘటే పరిపూర్ణం
పాద్యమిదం త్రిపురేశి గృహాణ || 3 ||
లబ్ధభవత్కరుణోఽహమిదానీం
రక్తసుమాక్షతయుక్తమనర్ఘం |
రుక్మవినిర్మితపాత్రవిశేషే-
-ష్వర్ఘ్యమిదం త్రిపురేశి గృహాణ || 4 ||
హ్రీమితి మంత్రజపేన సుగంయే
హేమలతోజ్జ్వలదివ్యశరీరే |
యోగిమనః సమశీతజలేన
హ్యాచమనం త్రిపురేఽద్య విధేహి || 5 ||
హస్తలసత్కటకాది సుభూషాః
ఆదరతోఽంబ వరోప్య నిధాయ |
చందనవాసితమంత్రితతోయైః
స్నానమయి త్రిపురేశి విధేహి || 6 ||
సంచితమంబ మయా హ్యతిమూల్యం
కుంకుమశోణమతీవ మృదు త్వం |
శంకరతుంగతరాంకనివాసే
వస్త్రయుగం త్రిపురే పరిధేహి || 7 ||
కందలదంశుకిరీటమనర్ఘం
కంకణకుండలనూపురహారం |
అంగదమంగులిభూషణమంబ
స్వీకురు దేవి పురాధినివాసే || 8 ||
హస్తలసద్వరభీతిహముద్రే
శస్తతరం మృగనాభిసమేతం |
సద్ఘనసారసుకుంకుమమిశ్రం
చందనపంకమిదం చ గృహాణ || 9 ||
లబ్ధవికాసకదంబకజాతీ-
-చంపకపంకజకేతకయుక్తైః |
పుష్యచయైర్మనసాముచితైస్త్వాం
అంబ పురేశి భవాని భజామి || 10 ||
హ్రీం‍పదశోభిమహామనురూపే
ధూరసి మంత్రవరేణ మనోజ్ఞం |
అష్టసుగంధరజఃకృతమాద్యే
ధూపమిమం త్రిపురేశి దదామి || 11 ||
సంతమసాపహముజ్జ్వలపాత్రే
గవ్యఘృతైః పరివర్ధితదేహం |
చంపకకుడ్మలవృంతసమానం
దీపగణం త్రిపురేఽద్య గృహాణ || 12 ||
కల్పితమద్య ధియాఽమృతకల్పం
దుగ్ధసితాయుతమన్నవిశేషం |
మాషవినిర్మితపూపసహస్రం
స్వీకురు దేవి నివేదనమాద్యే || 13 ||
లంఘితకేతకవర్ణవిశేషైః
శోధితకోమలనాగదలైశ్చ |
మౌక్తికచూర్ణయుతైః క్రముకాద్యైః
పూర్ణతరాంబ పురస్తవ పాత్రీ || 14 ||
హ్రీం‍త్రయపూరితమంత్రవిశేషం
పంచదశీమపి షోడశరూపం |
సంచితపాపహరం చ జపిత్వా
మంత్రసుమాంజలిమంబ దదామి || 15 ||
శ్రీం‍పదపూర్ణమహామనురూపే
శ్రీశివకామమహేశ్వరహృద్యే |
శ్రీగుహవందితపాదపయోజే
బాలవపుర్ధరదేవి నమస్తే || 16 ||
ఇతి శ్రీ బాలా మానస పూజా స్తోత్రం |