శ్రీరుద్ర ఉవాచ |
శృణు దేవి ప్రవక్ష్యామి మకరందస్తవం శుభం |
గోప్యాద్గోప్యతరం గోప్యం మహాకౌతూహలం పరం || 1 ||
బాలాయాః పరమేశాన్యాః స్తోత్రచూడామణిః శివే |
మకరందస్య స్తోత్రస్య ఋషిర్నారదసంజ్ఞకః || 2 ||
ఛందోఽనుష్టుపుదాఖ్యాతం శ్రీబాలా దేవతా స్మృతా |
ఐం బీజం శక్తిః సౌః ప్రోక్తం కీలకం క్లీం తథైవ చ || 3 ||
భోగమోక్షస్య సిద్ధ్యర్థే వినియోగః ప్రకీర్తితః |
నమస్తేఽస్తు పరాం శక్తిం నమస్తే భక్తవత్సలే || 4 ||
నమస్తేఽస్తు గుణాతీతాం బాలాం సిద్ధిప్రదాంబికాం |
భవదుఃఖాబ్ధితరణీం పరం నిర్వాణదాయినీం || 5 ||
ధనదాం జ్ఞానదాం సత్యాం శ్రీబాలాం ప్రణమాంయహం |
సిద్ధిప్రదాం జ్ఞానరూపాం చతుర్వర్గఫలప్రదాం || 6 ||
ఆధివ్యాధిహరాం వందే శ్రీబాలాం పరమేశ్వరీం |
ఐంకారరూపిణీం భద్రాం క్లీంకారగుణసంభవాం || 7 ||
సౌఃకారరూపరూపేశీం బాలాం బాలార్కసన్నిభాం |
ఊర్ధ్వాంనాయేశ్వరీం దేవీం రక్తాం రక్తవిలేపనాం || 8 ||
రక్తవస్త్రధరాం సౌంయాం శ్రీబాలాం ప్రణమాంయహం |
రాజరాజేశ్వరీం దేవీం రజోగుణాత్మికాం భజే || 9 ||
బ్రహ్మవిద్యాం మహామాయాం త్రిగుణాత్మకరూపిణీం |
పంచప్రేతాసనస్థాం చ పంచమకారభక్షకాం || 10 ||
పంచభూతాత్మికాం చైవ నమస్తే కరుణామయీం |
సర్వదుఃఖహరాం దివ్యాం సర్వసౌఖ్యప్రదాయినీం || 11 ||
సిద్ధిదాం మోక్షదాం భద్రాం శ్రీబాలాం భావయాంయహం |
నమస్తస్యై మహాదేవ్యై దేవదేవేశ్వరి పరే || 12 ||
సర్వోపద్రవనాశిన్యై బాలాయై సతతం నమః |
గుహ్యాద్గుహ్యతరాం గుప్తాం గుహ్యేశీం దేవపూజితాం || 13 ||
హరమౌళిస్థితాం దేవీం బాలాం వాక్సిద్ధిదాం శివాం |
వ్రణహాం సోమతిలకాం సోమపానరతాం పరాం || 14 ||
సోమసూర్యాగ్నినేత్రాం చ వందేఽహం హరవల్లభాం |
అచింత్యాకారరూపాఖ్యాం ఓంకారాక్షరరూపిణీం || 15 ||
త్రికాలసంధ్యారూపాఖ్యాం భజామి భక్తతారిణీం |
కీర్తిదాం యోగదాం రాదాం సౌఖ్యనిర్వాణదాం తథా || 16 ||
మంత్రసిద్ధిప్రదామీడే సృష్టిస్థిత్యంతకారిణీం |
నమస్తుభ్యం జగద్ధాత్రి జగత్తారిణి చాంబికే || 17 ||
సర్వవృద్ధిప్రదే దేవి శ్రీవిద్యాయై నమోఽస్తు తే |
దయారూప్యై నమస్తేఽస్తు కృపారూప్యై నమోఽస్తు తే || 18 ||
శాంతిరూప్యై నమస్తేఽస్తు ధర్మరూప్యై నమో నమః |
పూర్ణబ్రహ్మస్వరూపిణ్యై నమస్తేఽస్తు నమో నమః || 19 ||
జ్ఞానార్ణవాయై సర్వాయై నమస్తేఽస్తు నమో నమః |
పూతాత్మాయై పరాత్మాయై మహాత్మాయై నమో నమః || 20 ||
ఆధారకుండలీదేవ్యై భూయో భూయో నమాంయహం |
షట్చక్రభేదినీ పూర్ణా షడాంనాయేశ్వరీ పరా || 21 ||
పరాపరాత్మికా సిద్ధా శ్రీబాలా శరణం మమ |
ఇదం శ్రీమకరందాఖ్యం స్తోత్రం సర్వాగమోక్తకం || 22 ||
స్తోత్రరాజమిదం దేవి ధారయ త్వం కులేశ్వరి |
పుణ్యం యశస్యమాయుష్యం దేవానామపి దుర్లభం |
పాఠమాత్రేణ దేవేశి సర్వారిష్టం వినశ్యతి || 23 ||
ఇతి శ్రీరుద్రయామలే శ్రీ బాలా మకరంద స్తవః |