ఓమిత్యేకాక్షరం బ్రహ్మ వ్యాహరన్ మామనుస్మరన్ |
యః ప్రయాతి త్యజన్ దేహం స యాతి పరమాం గతిం || 8-13 || 1
స్థానే హృషీకేశ తవ ప్రకీర్త్యా
జగత్ ప్రహృష్యత్యనురజ్యతే చ |
రక్షాంసి భీతాని దిశో ద్రవంతి
సర్వే నమస్యంతి చ సిద్ధసంఘాః || 11-36 || 2
సర్వతః పాణిపాదం తత్ సర్వతోఽక్షిశిరోముఖం |
సర్వతః శ్రుతిమల్లోకే సర్వమావృత్య తిష్ఠతి || 13-14 || 3
కవిం పురాణమనుశాసితార-
-మణోరణీయాంసమనుస్మరేద్యః |
సర్వస్య ధాతారమచింత్యరూప-
-మాదిత్యవర్ణం తమసః పరస్తాత్ || 8-9 || 4
ఊర్ధ్వమూలమధఃశాఖమశ్వత్థం ప్రాహురవ్యయం |
ఛందాంసి యస్య పర్ణాని యస్తం వేద స వేదవిత్ || 15-1 || 5
సర్వస్య చాహం హృది సంనివిష్టో
మత్తః స్మృతిర్జ్ఞానమపోహనం చ |
వేదైశ్చ సర్వైరహమేవ వేద్యో
వేదాంతకృద్వేదవిదేవ చాహం || 15-15 || 6
మన్మనా భవ మద్భక్తో మద్యాజీ మాం నమస్కురు |
మామేవైష్యసి సత్యం తే ప్రతిజానే ప్రియోఽసి మే || 18-65 || 7
ఇతి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే శ్రీకృష్ణార్జునసంవాదే సప్తశ్లోకీ భగవద్గీతా |