స్మరామి దేవదేవేశం వక్రతుండం మహాబలం |
షడక్షరం కృపాసింధుం నమామి ఋణముక్తయే || 1 ||
ఏకాక్షరం హ్యేకదంతం ఏకం బ్రహ్మ సనాతనం |
ఏకమేవాద్వితీయం చ నమామి ఋణముక్తయే || 2 ||
మహాగణపతిం దేవం మహాసత్త్వం మహాబలం |
మహావిఘ్నహరం శంభోః నమామి ఋణముక్తయే || 3 ||
కృష్ణాంబరం కృష్ణవర్ణం కృష్ణగంధానులేపనం |
కృష్ణసర్పోపవీతం చ నమామి ఋణముక్తయే || 4 ||
రక్తాంబరం రక్తవర్ణం రక్తగంధానులేపనం |
రక్తపుష్పప్రియం దేవం నమామి ఋణముక్తయే || 5 ||
పీతాంబరం పీతవర్ణం పీతగంధానులేపనం |
పీతపుష్పప్రియం దేవం నమామి ఋణముక్తయే || 6 ||
ధూంరాంబరం ధూంరవర్ణం ధూంరగంధానులేపనం |
హోమధూమప్రియం దేవం నమామి ఋణముక్తయే || 7 ||
ఫాలనేత్రం ఫాలచంద్రం పాశాంకుశధరం విభుం |
చామరాలంకృతం దేవం నమామి ఋణముక్తయే || 8 ||
ఇదం త్వృణహరం స్తోత్రం సంధ్యాయాం యః పఠేన్నరః |
షణ్మాసాభ్యంతరేణైవ ఋణముక్తో భవిష్యతి || 9 ||