ఓం నమః ప్రణవార్థార్థ స్థూలసూక్ష్మ క్షరాక్షర
వ్యక్తావ్యక్త కళాతీత ఓంకారాయ నమో నమః || 1 ||
నమో దేవాదిదేవాయ దేహసంచారహేతవే
దైత్యసంఘవినాశాయ నకారాయ నమో నమః || 2 ||
మోహనం విశ్వరూపం చ శిష్టాచారసుపోషితం
మోహవిధ్వంసకం వందే మోకారాయ నమో నమః || 3 ||
నారాయణాయ నవ్యాయ నరసింహాయ నామినే
నాదాయ నాదినే తుభ్యం నాకారాయ నమో నమః || 4 ||
రామచంద్రం రఘుపతిం పిత్రాజ్ఞాపరిపాలకం
కౌసల్యాతనయం వందే రాకారాయ నమో నమః || 5 ||
యజ్ఞాయ యజ్ఞగంయాయ యజ్ఞరక్షాకరాయ చ
యజ్ఞాంగరూపిణే తుభ్యం యకారాయ నమో నమః || 6 ||
ణాకారం లోకవిఖ్యాతం నానాజన్మఫలప్రదం
నానాభీష్టప్రదం వందే ణాకారాయ నమో నమః || 7 ||
యజ్ఞకర్త్రే యజ్ఞభర్త్రే యజ్ఞరూపాయ తే నమః
సుజ్ఞానగోచరాయాఽస్తు యకారాయ నమో నమః || 8 ||
ఇతి శ్రీ నారాయణ అష్టాక్షరీ స్తుతిః |
Narayana ashtakshari stuti in telugu pdf download – శ్రీమన్నారాయణాష్టాక్షరీ స్తుతి
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
