మృగశృంగ ఉవాచ |
నారాయణాయ నళినాయతలోచనాయ
నాథాయ పత్రస్థనాయకవాహనాయ |
నాళీకసద్మరమణీయభుజాంతరాయ
నవ్యాంబుదాభరుచిరాయ నమః పరస్మై || 1 ||
ఓం నమో వాసుదేవాయ లోకానుగ్రహకారిణే |
ధర్మస్య స్థాపనార్థాయ యథేచ్ఛవపుషే నమః || 2 ||
సృష్టిస్థిత్యనుపసంహారాన్ మనసా కుర్వతే నమః |
సంహృత్య సకలాన్ లోకాన్ శాయినే వటపల్లవే || 3 ||
సదానందాయ శాంతాయ చిత్స్వరూపాయ విష్ణవే |
స్వేచ్ఛాధీనచరిత్రాయ నిరీశాయేశ్వరాయ చ || 4 ||
ముక్తిప్రదాయినే సద్యో ముముక్షూణాం మహాత్మనాం |
వసతే భక్తచిత్తేషు హృదయే యోగినామపి || 5 ||
చరాచరమిదం కృత్స్నం తేజసా వ్యాప్య తిష్ఠతే |
విశ్వాధికాయ మహతో మహతేఽణోరణీయసే || 6 ||
స్తూయమానాయ దాంతాయ వాక్యైరుపనిషద్భవైః |
అపారఘోరసంసారసాగరోత్తారహేతవే || 7 ||
నమస్తే లోకనాథాయ లోకాతీతాయ తే నమః |
నమః పరమకళ్యాణనిధయే పరమాత్మనే || 8 ||
అచ్యుతాయాప్రమేయాయ నిర్గుణాయ నమో నమః |
నమః సహస్రశిరసే నమః సతత భాస్వతే || 9 ||
నమః కమలనేత్రాయ నమోఽనంతాయ విష్ణవే |
నమస్త్రిమూర్తయే ధత్రే నమస్త్రియుగశక్తయే || 10 ||
నమః సమస్తసుహృదే నమః సతతజిష్ణవే |
శంఖచక్రగదాపద్మధారిణే లోకధారిణే || 11 ||
స్ఫురత్కిరీటకేయూరముకుటాంగదధారిణే |
నిర్ద్వంద్వాయ నిరీహాయ నిర్వికారాయ వై నమః || 12 ||
పాహి మాం పుండరీకాక్ష శరణ్య శరణాగతం |
త్వమేవ సర్వభూతానామాశ్రయః పరమా గతిః || 13 ||
త్వయి స్థితం యథా చిత్తం న మే చంచలతాం వ్రజేత్ |
తథా ప్రసీద దేవేశ శరణ్యం త్వాగతోఽస్ంయహం |
నమస్తుభ్యం నమస్తుభ్యం భూయో భూయో నమో నమః || 14 ||
Sri Narayana Stotram (Mrigashringa Kritam) pdf download – శ్రీ నారాయణ స్తోత్రం (మృగశృంగ కృతం)
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
