స్కంద ఉవాచ |
నమస్తే యోగరూపాయ సంప్రజ్ఞానశరీరిణే |
అసంప్రజ్ఞానమూర్ధ్నే తే తయోర్యోగమయాయ చ || 1 ||
వామాంగభ్రాంతిరూపా తే సిద్ధిః సర్వప్రదా ప్రభో |
భ్రాంతిధారకరూపా వై బుద్ధిస్తే దక్షిణాంగకే || 2 ||
మాయాసిద్ధిస్తథా దేవో మాయికో బుద్ధిసంజ్ఞితః |
తయోర్యోగే గణేశాన త్వం స్థితోఽసి నమోఽస్తు తే || 3 ||
జగద్రూపో గకారశ్చ ణకారో బ్రహ్మవాచకః |
తయోర్యోగే హి గణపో నామ తుభ్యం నమో నమః || 4 ||
చతుర్విధం జగత్సర్వం బ్రహ్మ తత్ర తదాత్మకం |
హస్తాశ్చత్వార ఏవం తే చతుర్భుజ నమోఽస్తు తే || 5 ||
స్వసంవేద్యం చ యద్బ్రహ్మ తత్ర ఖేలకరో భవాన్ |
తేన స్వానందవాసీ త్వం స్వానందపతయే నమః || 6 ||
ద్వంద్వం చరసి భక్తానాం తేషాం హృది సమాస్థితః |
చౌరవత్తేన తేఽభూద్వై మూషకో వాహనం ప్రభో || 7 ||
జగతి బ్రహ్మణి స్థిత్వా భోగాన్భుంక్షి స్వయోగగః |
జగద్భిర్బ్రహ్మభిస్తేన చేష్టితం జ్ఞాయతే న చ || 8 ||
చౌరవద్భోగకర్తా త్వం తేన తే వాహనం పరం |
మూషకో మూషకారూఢో హేరంబాయ నమో నమః || 9 ||
కిం స్తౌమి త్వాం గణాధీశ యోగశాంతిధరం పరం |
వేదాదయో యయుః శాంతిమతో దేవం నమాంయహం || 10 ||
ఇతి స్తోత్రం సమాకర్ణ్య గణేశస్తమువాచ హ |
వరం వృణు మహాభాగ దాస్యామి దుర్లభం హ్యపి || 11 ||
త్వయా కృతమిదం స్తోత్రం యోగశాంతిప్రదం భవేత్ |
మయి భక్తికరం స్కంద సర్వసిద్ధిప్రదం తథా || 12 ||
యం యమిచ్ఛసి తం తం వై దాస్యామి స్తోత్రయంత్రితః |
పఠతే శృణ్వతే నిత్యం కార్తికేయ విశేషతః || 13 ||
ఇతి శ్రీముద్గలపురాణే మనోరథసిద్ధిప్రదం నామ గణేశస్తోత్రం సంపూర్ణం |
Manoratha Siddhiprada Ganesha Stotram pdf download – మనోరథసిద్ధిప్రద గణేశ స్తోత్రం
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
