విష్ణుపత్ని జగన్మాతః విష్ణువక్షఃస్థలస్థితే |
పద్మాసనే పద్మహస్తే పద్మావతి నమోఽస్తు తే || 1 ||
వేంకటేశప్రియే పూజ్యే క్షీరాబ్ధితనయే శుభే |
పద్మే రమే లోకమాతః పద్మావతి నమోఽస్తు తే || 2 ||
కళ్యాణీ కమలే కాంతే కళ్యాణపురనాయికే |
కారుణ్యకల్పలతికే పద్మావతి నమోఽస్తు తే || 3 ||
సహస్రదళపద్మస్థే కోటిచంద్రనిభాననే |
పద్మపత్రవిశాలాక్షి పద్మావతి నమోఽస్తు తే || 4 ||
సర్వజ్ఞే సర్వవరదే సర్వమంగళదాయిని |
సర్వసంమానితే దేవి పద్మావతి నమోఽస్తు తే || 5 ||
సర్వహృద్దహరావాసే సర్వపాపభయాపహే |
అష్టైశ్వర్యప్రదే లక్ష్మి పద్మావతి నమోఽస్తు తే || 6 ||
దేహి మే మోక్షసాంరాజ్యం దేహి త్వత్పాదదర్శనం |
అష్టైశ్వర్యం చ మే దేహి పద్మావతి నమోఽస్తు తే || 7 ||
నక్రశ్రవణనక్షత్రే కృతోద్వాహమహోత్సవే |
కృపయా పాహి నః పద్మే త్వద్భక్తిభరితాన్ రమే || 8 ||
ఇందిరే హేమవర్ణాభే త్వాం వందే పరమాత్మికాం |
భవసాగరమగ్నం మాం రక్ష రక్ష మహేశ్వరీ || 9 ||
కళ్యాణపురవాసిన్యై నారాయణ్యై శ్రియై నమః |
శృతిస్తుతిప్రగీతాయై దేవదేవ్యై చ మంగళం || 10 ||